ءورت سالدارىنان 3 ءۇي، 2 تەحنيكا ورتەندى - نۇرلان ۇرانحايەۆ

None
Фото: Абай облысы әкімдігінің баспасөз қызметі
استانا. قازاقپارات - سەمەي ورمانى ءورتىن سوندىرۋگە كەتىپ، ءىز- ءتۇزسىز جوعالدى دەلىنگەن سەرگەي ارحيپوۆتىڭ تراكتورى تابىلدى. بۇل تۋرالى ۇكىمەت وتىرىسىندا اباي وبلىسىنىڭ اكىمى نۇرلان ۇرانحايەۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ءورت سالدارىنان 3 ءۇي، 2 تەحنيكا ورتەندى. ءيىس ءتيىپ ۋلانعان ورمانشىلىقتىڭ 2 قىزمەتكەرىنىڭ جاعدايى جاقسارۋدا. جوعالعان تراكتورشى ارحيپوۆتى ىزدەۋ جالعاسۋدا. كەشە تراكتورى تابىلدى. پوليتسيا قىزمەتكەرلەرى ونىڭ ورنالاسقان جەرىن انىقتاۋ بويىنشا جۇمىس جۇرگىزىپ جاتىر»، - دەدى اكىم.

سونىمەن قاتار ول مەملەكەت باسشىسىنىڭ تاپسىرماسى بويىنشا ۋسپەنسك ورمانشىلىعىنىڭ قازا تاپقان 14 جۇمىسشىسىنىڭ وتباسىلارىنا كومەك كورسەتىلىپ جاتقانىن ايتتى.

«بۇگىنگى تاڭدا ءاربىر وتباسىنا بيۋدجەتتەن جانە بيۋدجەتتەن تىس قاراجات اياسىندا قاجەتتى كومەكتىڭ دەربەس كارتالارى جاسالدى. سونىمەن قاتار زارداپ شەككەندەرگە كومەك كورسەتۋ جانە ءورت سالدارىنا جويۋ ءۇشىن «اق ەرتىس» قايىرىمدىلىق قورىندا ەسەپشوت اشىلدى. بارلىق تولەمدەر ۋاقىتىلى جانە تولىق كولەمدە كورسەتىلەتىن بولادى. اپات جانە ونىڭ سالدارىن جويۋ جۇمىستارى باقىلاۋدا»، - دەدى نۇرلان ۇرانحايەۆ.

سەمەي ورمانى ءورتىن ءسوندىرۋ 2 باعىتتا جۇرگىزىلىپ جاتىر.

«بۇگىنگى تاڭدا ءورتتىڭ جالپى اۋدانى شامامەن 60 مىڭ گەكتاردى قۇرادى. ونىڭ 43 مىڭ گەكتارى بەلسەندى تەرمونۇكتەلەر، ەلدى مەكەندەرگە قاۋپى جوق. قازىرگى تاڭدا ءورت ءسوندىرۋ جۇمىستارى ەكى باعىتتا جالعاسۋدا. باتىستا ءورت توقتاتۋ ءۇشىن 300-دەن استام جەكە قۇرام، 30-دان استام بىرلىك تەحنيكا، ەكىنشى باعىتتا 200-دەن استام جەكە قۇرام جانە 40-تان استام تەحنيكا جۇمىس جاساپ جاتىر.

جالپى ءورتتى جويۋعا 1532, 321 بىرلىك تەحنيكا جانە 14 تىكۇشاق جۇمىرىلدى»، - دەدى اكىم.

وبلىس باسشىسىنىڭ ايتۋىنشا، تەحنيكانى وتىنمەن قامتاماسىز ەتۋ ءۇشىن اكىمدىك 20 توننا جانار- جاعارماي جىبەردى. تاعى 50 توننا وتىن جىبەرۋگە مۇمكىندىك بار، دايىن تۇر. سونىمەن قاتار بىرنەشە ەلدى مەكەننىڭ تۇرعىندارى ءقاۋىپسىز جەرگە كوشىرىلدى.

«كوشىرۋ ورىندارىندا پوليتسيا قىزمەتكەرلەرىنىڭ كەزەكشىلىگى ۇيىمداستىرىلدى. تۇرعىندار سەمەي قالاسى مەن بورودۋليحا اۋىلىنىڭ ەۆاكۋاتسيالىق پۋنكتەرىنە ورنالاستىرىلدى. ءورت سوندىرۋگە جۇمىلدىرىلعان جانە ەۆاكۋاتسيالانعان ازاماتتار ءۇشىن ازىق- تۇلىك جەتكىلىكتى»، - دەدى نۇرلان ۇرانحايەۆ.

سوڭعى جاڭالىقتار