فۋتبول: رۋمىنيامەن كەزدەسكەن قازاقستان قۇراماسى 3:1 ەسەبىمەن جەڭىلدى
كەزدەسۋدىڭ 33-مينۋتىنا دەيىن شىداس بەرگەن وتانداستارىمىز كونستانتين بۋدەسكۋدىڭ جەكە شەبەرلىگىنە شىداس بەرە المادى.
ول قورعاۋشى ابزال بەيسەبەكوۆتى الداپ وتكەننەن كەيىن قاقپاشى ستاس پوكاتيلوۆتىڭ قاقپاسىنا گول سوقتى. ودان كەيىن سول بۋدەسكۋ پەنالتيدەن ەكىنشى گولدى سالدى. ويىندى وزگەرتكىسى كەلىپ، ەكىنشى تايمدا بىرنەشە فۋتبولشىنى شىعارعان الەكساندر بوروديۋكتىڭ قادامدارىنا الاڭ يەلەرى تاماشا جاۋاپ قاتتى. ءۇش پاسپەن ايىپ الاڭىنا ەنىپ كىرگەن رۋمىندار ءۇشىنشى گولدى سوعىپ، قازاقستاندىق جانكۇيەرلەردىڭ ءۇمىتىن ءۇزدى. دەگەنمەن الماسىپ كىرگەن باۋىرجان تۇرىسبەك ءبىر سوعىپ، كوڭىلگە مەدەۋ قىلدى. ەندى قازاقستان ۇلتتىق قۇراماسى 8- قازان كۇنى ارمەنيامەن كەزدەسەدى.
كوسمين كونترا، رۋمىنيا ۇلتتىق قۇراماسىنىڭ باس باپكەرى:
- مەن ويىن بارىسىندا شاكىرتتەرىمە ايقايلايمىن دەپ داۋىسىمنان ايىرىلدىم. ويىننىڭ 30-مينۋتتارىندا قارلىعىپ قالدىم. سودان كەيىن گول سوعىپ، العا شىعا باستادىق. قازاقستانمەن ويىن وڭاي بولمايتىنىن بىلدىك.
www.24.kz
