3 جىلدا جىلدىق قۋاتى 191 مىڭ توننا بولاتىن 11 قۇس فابريكاسى سالىنادى

«قازىر وزىمىزدە وندىرىلەتىن قۇس ەتىنىڭ كولەمى ىشكى نارىق قاجەتتىلىگىنىڭ 58 پايىزىن عانا جابادى. تولىقتاي مولىقتىرۋ ءۇشىن قۇس ەتىن ءوندىرۋ قۋاتىن قوسىمشا 171 مىڭ تونناعا ارتتىرۋ قاجەت. وتكەن جىلدىڭ وزىندە قۋاتى 94 مىڭ توننا بولاتىن 8 قۇس فابريكاسى ىسكە قوسىلدى. الداعى ءۇش جىلدا جالپى قۋاتى 191 مىڭ توننا بولاتىن 11 قۇس فابريكاسىن پايدالانۋعا بەرۋ جوسپارلانۋدا. بۇل جوبالاردى ءۇش جىل ىشىندە ىسكە قوسۋ قۇس ەتى بويىنشا قاجەتتىلىكتى تولىق كولەمدە وتەۋگە مۇمكىندىك بەرەدى»، - دەدى اگروونەركاسىپتىك كەشەندى دامىتۋدىڭ نەگىزگى باعىتتارى جانە ينۆەستيتسيالىق جوبالاردىڭ ىسكە اسىرىلۋى تۋرالى بايانداعان مينيستر.

سونىمەن قاتار ول ىشكى نارىق وتانىمىزدا وندىرىلەتىن شۇجىق ونىمىمەن 62 پايىزعا قامتاماسىز ەتىلگەنىن ايتتى.

«تولىقتاي مولىقتىرۋ قۋاتى 77,8 مىڭ توننا بولاتىن 6 ەت كومبيناتىن ىسكە قوسۋ ەسەبىنەن، سونداي- اق اينالىم ماقساتتارىنا ارنالعان قارجىلاندىرۋ جانە فەرمەرلەردى مالدى سويۋعا، وتكىزۋگە ىنتالاندىرۋ ەسەبىنەن قامتاماسىز ەتىلەتىن بولادى»، - دەدى ساپارحان وماروۆ.