قازاق قىزدارى 3 ويىندا ءوز قاقپالارىنا 15 گول سوقتىرىپ الدى

استانا. قازاقپارات - رەسەيدىڭ سوچي قالاسىندا ءوتىپ جاتقان قىزدار اراسىنداعى فۋتبولدان «كۋبان كوكتەمى» تۋرنيرىندە ارۋلارىمىز ءۇش ويىن وتكىزىپ، بارلىعىندا قارسىلاستارىنا ۇتىلىپ قالدى، دەپ حابارلايدى قازاقپارات ءتىلشىسى.

19 جاسقا دەيىنگى جاس ءوسپىرىم قىزداردىڭ باسىن قوسقان جارىستا وتانداستارىمىز «ا» توبىندا ونەر كورسەتتى.

العاشقى ويىنىن سلوۆەنيا قۇراماسىنا قارسى وتكىزىپ، 5:1 ەسەبىمەن ۇتىلسا، ەكىنشى ويىندا يران ارۋلارىنا 7:0 ەسەبىمەن ويسىراي ۇتىلدى. ال ءۇشىنشى ماتچىن كراسنودار ولكەسى قۇراماسىنا قارسى وتكىزىپ، ولاردان 3:0 ەسەبىمەن تاعى دا جەڭىلىس تاپتى.

وسىلايشا پەتر پاك جاتتىقتىراتىن قازاقستان ارۋلارى توپتىق كەزەڭدە 3 كەزدەسۋىن وتكىزىپ، ءوز قاقپاسىنا 15 دوپ جىبەرىپ، قارسىلاستارىنا 1 عانا گول سوقتى. ەندى جەرلەستەرىمىز بۇگىن رۋمىنيا قىزدارىمەن بولاتىن ويىندا 5-8 ورىندار ءۇشىن سىنعا تۇسەدى.

اۆتور: كۇنسۇلتان وتارباي