سارى اعاشتا 3 جانە 10 جاسار بالالار تەرەڭدىگى 5 مەترلىك دارەتحاناعا ءتۇسىپ كەتكەن
سارىاعاش پوليتسياسىنىڭ 102 نومىرىنە جەرگىلىكتى تۇرعىن ايەل حابارلاسىپ، ءۇيىنىڭ اۋلاسىنداعى دارەتحاناسىنىڭ ىشىنە ءوزىنىڭ 3 جاسار ۇلى مەن 10 جاسار قىزىنىڭ ابايسىزدا ءتۇسىپ كەتكەنىن ايتىپ كومەك سۇراعان.
حابارلامانى ءبىرىنشى بولىپ العان سارىاعاش اپب ۋچاسكەلىك پوليتسيا ينسپەكتورلارى پوليتسيا مايورى نۇرداۋلەت ەدىلوۆ پەن پوليتسيا كاپيتانى اسىل ەرەجەپوۆ، سونداي- اق پوليتسيا اعا لەيتەنانتى ايسۇلتان ساپار وقيعا بولعان جەرگە نەبارى 2 مينۋت ىشىندە جەدەل جەتتى. سودان پوليتسەيلەر ەكى جاسوسپىرىمنىڭ ومىرىنە ءقاۋىپ تونگەنىن ەسكەرىپ، ەشتەڭەگە قاراماستان بالالاردى قۇتقارماققا اسىعادى. سەبەبى 5 مەترلىك اجەتحانا ىشىندەگى ءناجىس 10 جاسار قىزدىڭ يىعىنا دەيىن جەتكەن. ال جاسوسپىرىم قىز جانىنداعى 3 جاسار بالا، ياعني ءىنىسىن ناجىسكە باتىپ كەتپەسى ءۇشىن كوتەرىپ الىپ تۇرادى.
پوليتسەيلەر قۇتقارۋدان كەشىكسە بالالار يىستەن ۋلانىپ قالۋى دا مۇمكىن ەدى، سوندىقتان قوس قىزمەتكەر جەدەل تۇردە ارەكەت ەتىپ، بەتوننان جاسالعان اجەتحانا ەدەنىن تەمىر قۇرالىمەن سوققىلاپ بۇزدى. ءبىر جاعىنان ءتارتىپ ساقشىلارى اجەتحانا ەدەنىن بۇزىپ جاتىپ، ىشىندەگى بالالارعا قاۋىپ تونبەسى ءۇشىن، ادىسپەن ارەكەت ەتتى. سودان سوڭ پوليتسيا كاپيتانى اسىل ەرەجەپوۆ ارنايى ءجىپتى بەلىنە بايلاپ، 5 مەتر تەرەڭدىكتەگى اجەتحانا ىشىنەن ءبىرىنشى 3 جاسار ۇلدى، ارتىنشا 10 جاستاعى قىزدى امان ەسەن الىپ شىقتى.
وسىلايشا سارىاعاش ا پ ب- نىڭ قوس پوليتسەيى وزدەرىنىڭ جەدەل ارەكەت ەتۋى مەن قالايدا بالالاردى قۇتقارۋعا بارىن سالىپ، قايسارلىق تانىتىپ ارەكەت ەتۋىنىڭ ارقاسىندا ولار امان قالدى. وسى رەتتە پوليتسەيلەردىڭ ارەكەتىنە ريزا بولعان جانە بالالارىنىڭ اجەتحانادان امان شىققانىنا قۋانعان اناسى اجاركۇل سارجانوۆا انالىق العىسىن ايتتى.
«وتباسىمنىڭ اۋلاسىندا كەلەڭسىز جاعداي ورىن الدى. سول سەبەپتى ءبىز شۇعىل تۇردە سارىاعاش اۋدانىنىڭ پوليتسەيلەرىنە جەدەل تۇردە حابارلاستىق. سول مەزەتتە تەز ارادا كەلگەن سارىاعاش ا پ ب قاپلانبەك اۋىلىنىڭ ۋچاسكەلىك پوليتسيا ينسپەكتورلارى اسىل ەرەجەپوۆ پەن نۇرداۋلەت ەدىلوۆ، ايسۇلتان ساپاروۆ كەلىپ، ءوز كومەكتەرىن كورسەتتى. شۇعىل تۇردە امان ەسەن بالالارىمدى الىپ شىقتى. سول سەبەپتى وسى پوليتسيا قىزمەتكەرلەرىنە انالىق العىسىمدى ايتقىم كەلەدى جانە دە وسى قىزمەتكەرلەر ءتيىستى دەڭگەيدە ماراپاتتالسا ەكەن دەيمىن. جۇمىسىنا تابىس تىلەيمىن!»، - دەدى.
سودان سوڭ وسى وقيعاعا كۋا بولعان تۇرعىننىڭ كورشىلەرى دە ءوز ريزاشىلىعىن ءبىلدىردى:
«بىزگە كەلىپ ايقايلاپ كومەك سۇرادى. پوليتسەيلەرگە حابارلاستىق، نەبارى 2 مينۋت ىشىندە تەز ارادا كەلىپ، بالالاردى قۇتقاردى. ولارعا العىسىمىز شەكسىز. ولار وتە جاقسى جۇمىس ىستەدى. ەگەر ءبىزدىڭ ۋچاسكەلىك پوليتسەيىمىز بولماسا، ءبىز ولاردى قۇتقارا الماس ەدىك. ۇلكەن راقمەت پوليتسەيلەرگە!»، - دەدى.
بۇگىندە پوليتسەيلەردىڭ باستى مىندەتى قوعامدىق قاۋىپسىزدىكتى قامتاماسىز ەتۋ بولعانىمەن، ولار تۇرعىندارعا كومەك كەرەك كەزدە ءبىرىنشى كەزەكتە قاۋىپ- قاتەرگە قاراماستان جەدەل ارەكەت ەتەدى. بۇعان دەيىن دە قانشاما ءتارتىپ ساقشىلارى اجال اۋزىندا قالعان ازاماتتار مەن بالالاردى قۇتقارىپ، العىستارىن العان بولاتىن. سوندىقتان كيەلى ءوڭىردىڭ پوليتسەيلەرى بۇل باعىتتاعى جۇمىستاردى ءاردايىم نازاردا ۇستاماق.
