شىمكەنتتە پوليتسيا قىزمەتكەرى 2 ادامدى كولىكپەن قاعىپ كەتتى

سايتتاعى مالىمەتتەرگە قاراعاندا، 3- تامىز كۇنى ساعات 17:00 شاماسىندا بايتۇرسىنوۆ كوشەسىندەگى جاياۋ جۇرگىنشىلەر وتكەلىندە تۇران اۋداندىق پوليتسيا ءبولىمىنىڭ جۇرگىزۋشى پوليتسەيى قىزمەتتىك اۆتوكولىكپەن 2 ادامدى قاعىپ كەتكەن. جول-كولىك وقيعاسى سالدارىنان اناسى مەن كامەلەت جاسىنا تولماعان قىزى اۋرۋحاناعا جەتكىزىلدى.
اتالعان جايت شىمكەنت قالاسى پوليتسيا دەپارتامەنتىندە ق ر ق ك- ءنىڭ 345-بابى 2-بولىگى (كولىك قۇرالدارىن باسقاراتىن ادامنىڭ ابايسىزدا ادام دەنساۋلىعىنا اۋىر زيان كەلتىرۋگە اكەپ سوققان جول ءجۇرۋ قاعيدالارىن بۇزۋ) بويىنشا تىركەلدى.
قاجەتتى ساراپتامالار تاعايىندالدى. شىمكەنت قالاسى پوليتسيا دەپارتامەنتىنىڭ باسشىلىعى زارداپ شەككەندەردەن جانە ولاردىڭ تۋىستارىنان پوليتسيا قىزمەتكەرى جولدا ادامداردىڭ جاراقات الۋىنا جول بەرگەنى ءۇشىن كەشىرىم سۇرايدى. سوتقا دەيىنگى تەرگەۋمەن پ د- نىڭ انىقتاۋ باسقارماسى اينالىسىپ جاتىر. تەرگەۋ بارىسى شىمكەنت قالاسى پوليتسيا دەپارتامەنتىنىڭ باستىعى قايرات دالبەكوۆتىڭ قاتاڭ باقىلاۋىندا.