09:06, 28 - شىلدە 2023 | GMT +5
وزبەك حالقى كۇن سايىن 2 مىڭ ادامعا ءوسىپ جاتىر
تاشكەنت. قازاقپارات - وزبەكستان حالقىنىڭ سانى كۇن سايىن 2 مىڭ ادامعا ءوسىپ جاتىر، دەپ حابارلايدى قازاقپارات مەنشىكتى ءتىلشىسى.

وزبەكستان رەسپۋبليكاسىنىڭ ستاتيستيكا اگەنتتىگىنىڭ مالىمەتىنشە، 2023 -جىلدىڭ 1-شىلدەسىندەگى جاعداي بويىنشا رەسپۋبليكانىڭ تۇراقتى حالىق سانى 36372276 ادامدى قۇراعان. بۇل جىل باسىنداعى كورسەتكىشتەن 347,3 مىڭ ادامعا ارتىق.
«رەسپۋبليكامىزدىڭ تۇراقتى حالىق سانى وتكەن جىلدىڭ وسى كەزەڭىمەن سالىستىرعاندا %2,2 عا ارتقان. وزبەكستان حالقى 2023 -جىلدىڭ ءار ايىندا ورتا ەسەپپەن 57,9 مىڭ ادامعا وسكەن. كۇن سايىن بۇل كورسەتكىش 1,9 مىڭ ادامعا ارتىپ وتىر»، - دەيدى اگەنتتىك.
ۆەدومستۆودان ءمالىم ەتكەندەي، رەسپۋبليكادا 183063000 ەر ادام مەن 180660000 ايەل تۇرادى. قالا تۇرعىندارىنىڭ سانى - 185575000 ادامدى، اۋىل تۇرعىندارىنىڭ سانى - 178158000 ادامدى قۇراعان.
بۇعان دەيىن حابارلاعانداي، وزبەكستاننىڭ تۇراقتى حالىق سانى 100 جىلدا 8 ەسەگە وسكەن.