بەينەۋ - بوزوي - شىمكەنت گاز قۇبىرىنىڭ 2-جەلىسى سالىنادى

استانا. قازاقپارات - «بەينەۋ - بوزوي - شىمكەنت» گاز قۇبىرىنىڭ 2- جەلىسى سالىنادى. بۇل جايىندا سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
None

«قاشاعان كەن ورنىندا سالىنىپ جاتقان جانە بولاشاقتا سالىناتىن زاۋىتتار اياسىندا وندىرىلەتىن تاۋارلىق گازدىڭ قوسىمشا كولەمى بۇگىندە جۇكتەمەسى 45 پايىزدى قۇراپ وتىرعان قولدانىستاعى «ورتالىق ازيا - ورتالىق» ماگيسترالدى گاز قۇبىرى ارقىلى تاسىمالداناتىن بولادى. اتالعان گازدى سولتۇستىك جانە وڭتۇستىك وڭىرلەرگە جەتكىزۋ «بەينەۋ - بوزوي - شىمكەنت» ماگيسترالدى گاز قۇبىرى ارقىلى جۇزەگە اسىرىلاتىن بولادى. بۇل ءۇشىن «QazaqGaz» ۇ ك» ا ق «بەينەۋ - بوزوي - شىمكەنت» گاز قۇبىرىنىڭ وتكىزۋ قابىلەتىن جىلىنا 30 ميلليارد تەكشە مەترگە دەيىن كەڭەيتۋ ءۇشىن قۇبىردىڭ 2- جەلىسىن سالۋ بويىنشا تەحنيكالىق-ەكونوميكالىق نەگىزدەمە ازىرلەۋدى باستادى. جۇزەگە اسىرۋدىڭ جوسپارلانعان مەرزىمى - 2027-جىل»، - دەپ اتاپ وتەدى ۇكىمەت باسشىسى جاۋابىندا.

بۇعان دەيىن 2028-جىلعا قاراي ەلىمىزدە جيىنتىق جىلدىق قۋاتى 9 ميلليارد تەكشە مەتر بولاتىن 3 گاز وڭدەۋ زاۋىتى سالىناتىندىعىن جازعان ەدىك.

سوڭعى جاڭالىقتار