قاراعاندى قالاسىندا جول سالۋ كەزىندە 2 ميلليارد تەڭگەدەن استام قاراجات ۇرلاندى
قاراعاندى وبلىسىنىڭ پروكۋراتۋراسى جول قۇرىلىسى سالاسى بويىنشا تەكسەرۋ جۇرگىزدى. ناتيجەسىندە قاراعاندى قالاسىنىڭ كوشەلەرىن كۇردەلى جوندەۋگە بولىنگەن 2 ميلليارد تەڭگەدەن استام سوماعا بيۋدجەت قاراجاتىن ۇرلاۋ فاكتىلەرى انىقتالدى.
«قاراعاندى وبلىسىنىڭ پروكۋراتۋراسى «قاراعاندى قالاسىنىڭ كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى» م م قىزمەتىندە اۆتوموبيل جولدارىنىڭ ساپاسى ماسەلەلەرى بويىنشا تەكسەرۋ جۇرگىزدى. تەكسەرۋ ناتيجەسىندە ناقتى ورىندالماعان جۇمىستارعا ورىندالدى دەپ، اكتىلەرگە قول قويۋ فاكتىلەرى انىقتالدى. اتاپ ايتقاندا، قاراعاندى قالاسىنداعى كوشەسىندەگى اۆتوجولدى كۇردەلى جوندەۋ كەزىندە 2 ميلليارد تەڭگەدەن استام سوماداعى بيۋدجەت قاراجاتى جىمقىرىلعان»، - دەپ حابارلادى قاراعاندى وبلىسى پروكۋراتۋراسىنىڭ باسپا ءسوز قىزمەتى.
تەكسەرىس ناتيجەلەرى بويىنشا ءبولىم باسشىلىعىنا قاتىستى ق ك-نىڭ 189-بابى 4-بولىگى 2-تارماعىمەن «مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن ادامنىڭ، وعان تەڭەستىرىلگەن ادامداردىڭ، لاۋازىمدى ادامنىڭ، ەگەر ولار ءوزىنىڭ قىزمەتتىك جاعدايىن پايدالانۋمەن ۇشتاسقان بولسا، اسا ءىرى مولشەردە بوتەن مۇلىكتى يەمدەنۋى نەمەسە ىسىراپ ەتۋى» بويىنشا سوتقا دەيىنگى تەرگەپ-تەكسەرۋ باستالدى. بۇل قىلمىستىق ءىس قاداعالاۋشى ۆەدومستۆونىڭ باقىلاۋىندا، قاجەتتى تەرگەۋ ارەكەتتەرى جۇرگىزىلۋدە.
