سولتۇستىك كورەيا جاپونياعا قاراي 2 بالليستيكالىق زىمىران ۇشىردى
بۇل وڭتۇستىك كورەيا مەن ا ق ش- تىڭ B-1B بومبالاۋشىلارىنىڭ قاتىسۋىمەن بىرلەسكەن اۋە جاتتىعۋلارىن وتكىزگەننەن كەيىنگى كۇنى بولدى، دەپ حابارلايدى قازاقپارات Yonhap-قا سىلتەمە جاساپ.
Yonhap مالىمەتىنشە، زىمىراندار وڭتۇستىك پحەنان پروۆينتسياسىنداعى سۋكچحون اۋدانىنان جەرگىلىكتى ۋاقىتپەن ساعات 7:00 مەن 7:11 ارالىعىندا ۇشىرىلعان. زىمىراندار سايكەسىنشە شامامەن 390 ك م جانە 340 ك م ۇشتى. زىمىراندار ۇشىرىلعاننان كەيىن بىرنەشە ساعات وتكەن سوڭ، ك ح د ر رەسمي ورتالىق اقپارات اگەنتتىگى كحدر حالىق ارمياسىنىڭ ارتيللەريالىق بولىمشەسى جاتتىعۋ كەزىندە 600 م م رەاكتيۆتى جۇيەسىنەن ەكى رەت وق اتقانىن حابارلادى. كەيبىر باقىلاۋشىلار دۇيسەنبىدە ۇشىرىلعان زىمىرانداردىڭ اۋقىمىن ەسكەرە وتىرىپ، ولار وڭتۇستىك F-35A كوزگە كورىنبەيتىن جويعىشى ورنالاسقان چحونجۋداعى وڭتۇستىك كورەيا اۋە بازاسىنا جەتۋى مۇمكىن ەكەنىن اتاپ ءوتتى. چوندجۋ اۋە بازاسى سەۋلدەن وڭتۇستىككە قاراي 112 ك م جەردە ورنالاسقان. وڭتۇستىك كورەيا ك ح د ر زىمىراندارىنىڭ سوڭعى ۇشىرىلىمدارىن تەك كورەي تۇبەگىندە عانا ەمەس، حالىقارالىق قوعامداستىقتا بەيبىتشىلىك پەن تۇراقتىلىققا نۇقسان كەلتىرەتىن «ەلەۋلى ارانداتۋ» ارەكەتى دەپ ساناپ، قاتتى ايىپتادى.
سونىمەن قاتار سەۋل ارانداتۋشىلىقتى بۇۇ قاۋىپسىزدىك كەڭەسىنىڭ قارارلارىن «ايقىن» بۇزدى دەپ ايىپتاپ، ك ح د ر- ءدى مۇنداي ارانداتۋشىلىق ارەكەتتەردى دەرەۋ توقتاتۋعا شاقىردى. سەنبىدە، Kyodo مالىمەتتەرى بويىنشا، ك ح د ر جاپونيانىڭ سولتۇستىگىندەگى حوككايدو ارالىنان باتىسقا قاراي 200 ك م جەردە قۇلاعان بالليستيكالىق زىمىراندى ۇشىردى. زىمىران شامامەن 900 ك م ۇشتى. ۇشۋ ۋاقىتى 66 مينۋتتى قۇرادى.
جاپونيا ۇكىمەتى وقيعاعا بايلانىستى ك ح د ر بيلىگىنە نارازىلىق ءبىلدىردى.
