امەريكالىق ازامات 2 ميلليارد دوللار دجەكپوت ۇتىپ الدى

استانا. قازاقپارات - Powerbal لوتەرەياسىنىڭ ۇيىمداستىرۋشىلارى ءبىر كۇن بۇرىن 2,04 ميلليارد ا ق ش دوللارىن قۇرايتىن رەكوردتىق ۇتىس يەسىن جاريالادى.

ەدۆين كاسترو شاعىن جانارماي قۇيۋ بەكەتىنەن بيلەت ساتىپ الىپ، جاسىرىنعان ساندى دۇرىس تاپقان، دەپ جازادى نيۋ- يورك تايمس.

ول ءوزىنىڭ اتى- جونىنەن باسقا جەكە مالىمەتتەرىن جاريالاماۋدى ءوتىنىپ، جەڭىمپازدى جاريالاۋ شاراسىنا قاتىسپاعان. الايدا مۇنداي ۇتىستى كۇتپەگەنىن جانە قاتتى قۋانعانى ايتىپ، مالىمدەمە تاراتتى.

لوتەرەيا ۇيىمداستىرۋشىلارىنىڭ ايتۋىنشا، بارلىق ۇتىستى 30 جىل بويى ءبولىپ الۋدىڭ ورنىنا، كاسترو 997,6 ميلليون دوللار تۇراتىن ءبىرجولعى تولەمدى تاڭداعان.

Powerball دجەكپوتى 2022 -جىلدىڭ سوڭىندا بىرنەشە اي ىشىندە رەكوردتىق دەڭگەيگە كوتەرىلدى، ويتكەنى قاتارىنان 40-تان استام ۇتىس ويىنىنان جەڭىمپاز شىقپاعان.

فوتو: Adam Beam/Associated Press

اۆتور

سماعۇلوۆا ەركەجان