09:03, 09 - اقپان 2023 | GMT +5
تۇركياداعى جەر سىلكىنىسى: تۇركىستاندىقتار 2 ۇشاق گۋمانيتارلىق كومەك جىبەرەدى
تۇركىستان. قازاقپارات - تۇركياداعى جەر سىلكىنىسىنەن زارداپ شەككەن حالىققا تۇركىستاندىقتار 2 ۇشاق گۋمانيتارلىق كومەك جىبەرەدى، دەپ حابارلايدى قازاقپارات ءتىلشىسى.
تۇركىستان قالاسىنداعى حالىقارالىق «Turkistan» اۋەجايى تۇركيانىڭ ىستامبۇل قالاسىنا گۋمانيتارلىق رەيس ۇيىمداستىرىپ وتىر. 10-11- اقپان كۇندەرى جولعا شىعاتىن ۇشاققا قازىرگى كەزدە قاجەتتى زاتتار جيناقتالىپ جاتىر. وعان كەز كەلگەن ازامات ءوز مۇمكىندىگىنشە كومەك بەرىپ، ۇلەسىن قوسا الادى. ەرەسەكتەر مەن بالالارعا ارنالعان جىلى قىسقى كيىمدەر، كورپە- توسەك، تۇرمىستىق زاتتار اۋەجايدا قابىلدانىپ جاتىر.
تۇركىستان وڭىرلىك كوممۋنيكاتسيالار قىزمەتىنىڭ مالىمدەۋىنشە گۋمانيتارلىق كومەكتىڭ جالپى سالماعى - 2 توننا بولماق. اۋە رەيستەرىن «Fly Arystan» جانە «Turkish Airlines» كومپانيالارى ورىندايدى. قارجىلاي كومەك بەرەمىن دەۋشىلەرگە ارنايى مامان بەكىتىلىپ، ەسەپ- شوتتا اشىلعان.
اۆتور
قايرات زاينيشيەۆ
