پرەمەر-مينيستر: مىندەتىمىز - بيىل ينفلياتسيانى 2 ەسە تومەندەتۋ

«باعا ءوسىمىن ۇستاپ تۇرۋ جۇمىستارى باستى نازاردا بولۋى ءتيىس. وتكەن جىلدىڭ قورىتىندىسى بويىنشا ينفلياتسيا 20,3 پايىزدى قۇرادى. ينفلياتسياعا ەڭ الدىمەن ازىق-تۇلىك باعاسىنىڭ ءوسۋى سەبەپشى بولىپ وتىر. ياعني، سالالىق مينيسترلىكتەر مەن اكىمدىكتەر بۇل ماسەلە بويىنشا قاجەتتى ءىس-شارالاردى جەتكىلىكتى قابىلداي المادى. ءبىزدىڭ مىندەتىمىز - بيىل ينفلياتسيانى 2 ەسەگە تومەندەتۋ. ول 9,5 پايىز شەگىندە بولۋى كەرەك. بۇل - وتە كۇردەلى مىندەت. سوندىقتان، كەز-كەلگەن پروبلەمانىڭ الدىن-الۋ شارالارىنا باسا ءمان بەرىپ، جۇمىلا ارەكەت ەتۋىمىز قاجەت»، - دەدى ءاليحان سمايىلوۆ.

ونىڭ اتاپ وتۋىنشە، كاسىپكەرلىكتىڭ دامۋى تۇراقتى ۇلتتىق ەكونوميكانىڭ ماڭىزدى فاكتورى سانالادى.

«بيزنەسكە قاتىستى جاڭا رەتتەۋشىلىك ساياسات تۇسىنىكتى ءارى ءادىل بولۋعا ءتيىس. بيىل تاۋەكەلدەردى باسقارۋ جۇيەلەرىن اۆتوماتتاندىرۋ ارقىلى باقىلاۋدىڭ تيىمدىلىگىن قامتاماسىز ەتۋ كەرەك. وسى جىلى شاعىن جانە ورتا بيزنەستە جۇمىسپەن قامتىلعاندار سانىن 3,8 ميلليون ادامعا دەيىن ارتتىرۋ قاجەت. بۇل مىندەتتى اكىمدەر جەكە باقىلاۋدا ۇستاۋى ءتيىس»، - دەدى ۇكىمەت باسشىسى.

فوتو: primeminister.kz

اۆتور

مارلان جيەمباي