وڭتۇستىك كورەيا شەتەلدىك جۇمىسشىلار قاتارىن 2 ەسە كوبەيتەدى
ۆەدومستۆونىڭ مالىمەتى بويىنشا الداعى جىلى رەسپۋبليكاعا 110 مىڭ ادام سىرتتان كەلىپ جۇمىس ىستەۋىنە بولادى. ولاردىڭ باسىم بولىگى وڭدەۋ ونەركاسىبىنە، 14 مىڭى اۋىل شارۋاشىلىعىنا، تاعى 7 مىڭى بالىق شارۋاشىلىعىنا كەرەك.
بيىل 69 مىڭ شەتەلدىككە كۆوتا بولىنگەن. ال استانا مەن سەۋل اراسىندا كورەياعا قازاقستاندىق جۇمىسشىلار تارتۋ تۋرالى كەلىسىم جوق ەكەن. سوندىقتان 2 ەل اراسىنداعى ۆيزاسىز رەجيمدى پايدالانىپ، بىرنەشە مىڭ وتانداسىمىز زاڭسىز جۇمىس ىستەيدى. جۇمىس ۆيزاسىن قازاقستانداعى كورەي دياسپوراسىنىڭ وكىلدەرى الا الادى. مۇنداي ۆيزامەن وڭتۇستىك كورەيا ەڭبەك مينيسترلىگىنىڭ مالىمەتى بويىنشا، 4700-دەن استام قازاقستاندىق ەڭبەك ەتىپ ءجۇر.
زاڭسىز ميگرانتتاردىڭ ءومىرى مەن دەنساۋلىعى رەسمي تۇردە ساقتاندىرىلماعان. ال كورەيادا جۇمىس ورنىنداعى ءولىم- ءجىتىم جوعارى. بيىل وتكەن 10 ايدىڭ كورسەتكىشى بويىنشا رەسپۋبليكادا وندىرىستەگى جازاتايىم وقيعالاردىڭ سالدارىنان 224 ادام وپات بولعان.
كيم ىن چحول - كورەيا جۇمىسپەن قامتۋ جانە ەڭبەك مينيسترلىگىنىڭ دەپارتامەنت ديرەكتورى:
- قازىرگى ۋاقىتتا ءبىز جۇمىسشىلاردىڭ جاعدايىن جاساي المايتىندارعا شەتەلدەن ەڭبەك كۇشىن تارتۋعا رۇقسات بەرمەيمىز. جىل سايىن ءبىز شەتەلدىك جۇمىسشىلاردىڭ 3 مىڭعا جۋىق جۇمىس ورنىن تەكسەرەمىز. جۇمىس بەرۋشىلەر كورەياعا كەلگىسى كەلەتىن شەتەلدىكتەرگە تۇرۋ ورىندارىن ونلاين تىركەۋى كەرەك. ويتكەنى ميگرانتتار وزدەرى تۇراتىن ورىندى الدىن الا كورۋ كەرەك.
www.24.kz
