كاسپي تەڭىزىندە 2 كولىك سۋ ورتاسىندا قالدى
وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ مالىمەتىنشە، وقيعا كەشە، 3 - قازاندا بولعان.
يساتاي اۋدانىندا قاتتى سوققان جەلدىڭ ەكپىنىمەن كاسپي تەڭىزىنەن تولقىن كوتەرىلگەن. سونىڭ سالدارىنان جانباي اۋىلدىق وكرۋگىنە قاراستى ماناش ەلدى مەكەنىنىڭ تۇسىندا 2 كولىك تەڭىز سۋىنىڭ ورتاسىندا قالعان.
«توتەنشە جاعدايلار دەپارتامەنتىنىڭ ديسپەتچەرلىك پۋلتىنە يساتاي اۋدانىنداعى اققىستاۋ اۋىلىنان شامامەن 55 شاقىرىم قاشىقتىقتا جانباي اۋىلىنان شاقىرتۋ ءتۇستى. ماناش ەلدى مەكەنى تۇسىنداعى كاسپي تەڭىزىنىڭ جاعالاۋىندا ەكى ادام مىنگەن كولىكتىڭ باتىپ قالعان. كولىكتەگى ادامدار وزدىگىنەن شىعا الماعان»، - دەپ حابارلادى.
يساتاي اۋداندىق 6№ ءورت ءسوندىرۋ ءبولىمىنىڭ، جانباي شەكارالىق بەكەتى مەن اۋداندىق پوليتسيا ءبولىمىنىڭ قىزمەتكەرلەرى بىرلەسىپ ىزدەستىرۋ-قۇتقارۋ جۇمىسىن جۇرگىزدى.
«تەڭىز جاعالاۋىندا باتقان «نيۆا» اۆتوكولىگىنەن 1967 جانە 1943-جىلعى ەكى ەر ادام قاۋىپسىز جەرگە شىعارىلدى. ولار يساتاي اۋدانىنىڭ ورتالىعى - اققىستاۋ اۋىلىنا جەتكىزىلدى. جاعدايلارى قاناعاتتانارلىق، مەديتسينالىق كومەكتى قاجەت ەتپەدى»، - دەپ ءمالىم ەتتى دەپارتامەنتتىڭ قوعاممەن بايلانىس توبىنان.
قۇتقارۋ جۇمىستارىنا يساتاي اۋداندىق 6№ ءورت ءسوندىرۋ بولىمىنەن 3 قىزمەتكەر، 1 ترەكول كولىگى، اۋداندىق پوليتسيا ءبولىمىنىڭ 2 قىزمەتكەرى مەن 1 تەحنيكاسى، جانباي شەكارا بەكەتىنەن 2 قىزمەتكەر، 1 تەحنيكا تارتىلدى.
ەسكە سالا كەتەلىك، بۇدان بۇرىن اتىراۋدا ءبىر كۇندە 3,4 ميلليون تەڭگە ايىپپۇلى تولەنبەگەن 12 جۇرگىزۋشى ۇستالعانىن حابارلاعان ەدىك.
