الەمدە جىل سايىن 2 تريلليون دوللار جىلىستاتىلادى
«جوعارى ەكونوميكالىق ءوسىم ءاردايىم تەرىس پروتسەستەرمەن قاتار جۇرەدى: كولەڭكەلى بيزنەس، قىلمىستىق كىرىستەردى زاڭداستىرۋ، اكتيۆتەردى شەتەلگە زاڭسىز شىعارۋ. ب ۇ ۇ باعالاۋى بويىنشا الەمدىك اۋقىمدا جىل سايىن شامامەن 2 تريلليون دوللار نەمەسە الەمدىك جالپى ىشكى ءونىمنىڭ 5 پايىزىنا جۋىق قاراجات جىلىستاتىلادى»، - دەدى بەرىك اسىلوۆ ش ى ۇ- عا مۇشە مەملەكەتتەر باس پروكۋرورلارىنىڭ XX مەرەيتويلىق وتىرىسىندا.
ول سونداي-اق حالىقارالىق ساراپشىلاردىڭ دەرەكتەرى بويىنشا ش ى ۇ- عا مۇشە مەملەكەتتەردىڭ باسقا ەلدەرمەن ساۋدا اينالىمىنداعى جىل سايىنعى ايىرماشىلىق $675 ميلليارد قۇرايتىنىن ايتتى.
«بۇل اقشانىڭ ءبىر بولىگى قىلمىستىق ماقساتتارعا، سونىڭ ىشىندە تەرروريزم مەن ەكسترەميزمدى قارجىلاندىرۋعا جۇمسالادى دەگەن تۇسىنىك بار. مەنىڭشە، بۇل ماسەلە بويىنشا تاجىريبە الماسۋ وتە ماڭىزدى»، - دەدى ق ر باس پروكۋرورى.
