يراندا ل گ ب ت ۇيىمىنىڭ 2 بەلسەندىسى ءولىم جازاسىنا كەسىلدى
كۇردتەردىڭ Hengaw قۇقىق قورعاۋ ۇيىمى 31 جاستاعى زاحرا سەديگي حامەداني مەن 24 جاستاعى ەلحام چۋبداردى ۋرميا قالاسىنىڭ سولتۇستىك- باتىسىنداعى سوت شەشىمىمەن ءولىم جازاسىنا كەسىلگەنىن حابارلادى. ولار ەلدە شاريعات زاڭىن بۇزعان ايىپتالۋشىلارعا قاتىستى ءجيى قولدانىلاتىن باپ - «جەرگە جەمقورلىق تاراتقانى ءۇشىن» سوتتالدى. گەرمانيادا ورنالاسقان يراندىق لگبت قۇقىقتارىن قورعايتىن 6Rang ۇيىمىنىڭ ۇيلەستىرۋشىسى شادي امين دە ءولىم جازاسىنا كەسىلگەن ۇكىمدەردى راستادى.
قۇقىق قورعاۋ ۇيىمدارى گەرمانيا مەن باسقا دا شەت ەلدەردى ۇكىم كۇشىن جويۋ جانە ايەلدەردى بوساتۋ ءۇشىن تەگەرانعا قىسىم كورسەتۋگە ۇندەەۋدە.
Amnesty International ۇيىمىنىڭ مالىمدەۋىنشە، ۇستالعان ايەلدەرگە قاتىستى ايىپتاۋلار ۇستالعانداردىڭ الەۋمەتتىك جەلىلەردەگى پاراقشالارىندا گەيلەردىڭ قۇقىقتارىن اشىق قورعاۋعا ۇندەۋ جىبەرگەنىنە، سونداي- اق 2021 -جىلدىڭ مامىرىندا ۆۆس تۇسىرگەن فيلمنىڭ ەفيرگە شىعۋىنا، يراكتىڭ سولتۇستىگىندەگى كۇردىستان ايماعىندا ل گ ت ب وكىلدەرى قۇقىقتارىنىڭ بۇزىلۋىنا بايلانىستى جاريالانىمدارعا نەگىزدەلىپ شىعارىلعان.
