قازاقستاندىق پوليتسەي بۇكىلالەمدىك ويىنداردا 2-ورىن الدى
بيىل بۇكىلالەمدىك پوليتسيا جانە ءورت سوندىرۋشىلەر ويىندارىنا 70 ەلدەن 10 مىڭنان استام ادام قاتىسۋدا. ونىڭ ىشىندە قازاقستان وكىلدەرى دە بار. قاتىسۋشىلار سپورتتىڭ 63 تۇرىنەن، سونىڭ ىشىندە بوكس، كروسسفيت، جەڭىل اتلەتيكا، سۋ دوبى، كايتسەرفينگ جانە «ۇزدىك ءورت ءسوندىرۋشى» نوميناتسياسىندا باق سىناپ جاتىر. ويىن ۇيىمداستىرۋشىلارىنىڭ پىكىرىنشە، بۇل جارىس ءارتۇرلى ەلدەردىڭ شۇعىل ارەكەت ەتۋ قىزمەتكەرلەرى اراسىندا بايلانىس ورناتۋدىڭ جاقسى قۇرالى بولماق. سونىمەن قاتار ويىنداردىڭ ماقساتى - قىزمەتكەرلەردىڭ سپورتتىق شەبەرلىگىن ىنتالاندىرۋ، كەز كەلگەن ۋاقىتتا بىزگە كومەكتەسۋگە دايىن تۇراتىن بارلىق توتەنشە جاعدايلار قىزمەتكەرىنە قۇرمەت كورسەتۋ.
بۇكىلالەمدىك پوليتسيا جانە ءورت سوندىرۋشىلەر ويىندارى (World Police and Fire Games, WPFG) 1985 -جىلدان باستاپ وتكىزىلىپ كەلەدى. بۇل جارىسقا جۇمىس ىستەپ جۇرگەن جانە وتستاۆكاداعى پوليتسەيلەر مەن ءورت سوندىرۋشىلەر قاتىسادى.
روتتەردام قالاسىندا بوكستان وتكەن جارىستا ساكەن قۇسايىنوۆ 86 كەلىگە دەيىنگى سالماقتا ەكىنشى ورىن الدى. 34 جاستاعى وتانداسىمىز - سەمەي قالاسىنىڭ تۋماسى. ول - بوكستان 2004 ، 2005 -جىلدارداعى قازاقستان چەمپيونى، 2006 -جىلى باكۋدەگى حالىقارالىق تۋرنيردىڭ جانە 2005 -جىلعى ق ر پرەزيدەنتى كۋبوگىنىڭ جۇلدەگەرى.
