19:13, 26 - شىلدە 2022 | GMT +5
قازاقستان ايەلدەر كۇرەسىنەن حالىقارالىق تۋرنيردە 2 مەدال الدى
نۇر-سۇلتان. قازاقپارات - پولشادا ايەلدەر كۇرەسىنەن حالىقارالىق تۋرنير ءوتتى.
قازاقستان كومانداسى ەكى مەدالمەن ماراپاتتالدى، دەپ حابارلايدى قازاقپارات.
ۇلتتىق وليمپيادا كوميتەتىنەن ءمالىم ەتكەندەي، 55 كەلىگە دەيىنگى سالماق دارەجەسىندە مارينا قايپانوۆا- سەدنيەۆا (قازاقستان) ەكىنشى بولدى.
ءبىرىنشى ورىن پولياك سپورتشىسى روكسانا زاسينانىڭ ەنشىسىندە قالدى. اننا اندرەيەۆنا (رۋمىنيا) مەن ماريا ۆيننيك (ۋكراينا) تۇعىردىڭ ءۇشىنشى ساتىسىنا كوتەرىلدى.
59 كەلىگە دەيىنگى سالماقتا سىنعا تۇسكەن ديانا كايۋموۆا (قازاقستان) «قولا» جەڭىپ الدى.
سولوميا ۆيننيك (ۋكراينا) - ءبىرىنشى، گرەيس بۋللەن (نورۆەگيا) ەكىنشى بولدى.
پولياك سپورتشىسى يوۆيتا ۆجەسەن ديانا كايۋموۆامەن قورىتىندى حاتتامانىڭ ءۇشىنشى جولىن ءبولىستى.
