سامۇرىق- قازىنا كورپوراتيۆتىك ورتالىق قىزمەتكەرلەرىن 2 ەسەگە قىسقارتتى

نۇر- سۇلتان. قازاقپارات - «سامۇرىق- قازىنا» ءال- اۋقات ۇلتتىق قورىندا كورپوراتيۆتىك ورتالىق قىزمەتكەرلەردىڭ سانى 248-دەن 124-كە دەيىن ازايدى.
None
None

بۇل تۋرالى قوردىڭ باسقارما ءتوراعاسى الماسادام ساتقاليەۆ ءمالىم ەتتى، دەپ حابارلايدى قازاقپارات ءتىلشىسى.

«قور قىزمەتىن رەفورمالاۋ 2 باعىتتان تۇرادى: جەدەل جانە جۇيەلى رەفورمالار. جەدەل شارالار تۋرالى ايتساق، ءبىز قوردىڭ كورپوراتيۆتىك ورتالىق قىزمەتكەرلەرىن 2 ەسەگە قىسقارتتىق، 248-دەن 124-كە دەيىن. باسقارۋ سالاسىنداعى لاۋازىم سانى 10-نان 5-كە ازايدى. سونىمەن قاتار قۇرىلىمدىق بولىمشىلەردىڭ سانى قايتا قارالىپ، 27-دەن 18-گە كەمىدى. ودان بولەك، قورداعى كەڭەسشىلەر ينستيتۋتىنىڭ جۇمىسى توقتادى. بۇل سالادا ەڭبەك ەتكەن 106 ادام قىسقاردى»، - دەدى الماسادام ساتقاليەۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق، «سامۇرىق- قازىنا» ءال- اۋقات ۇلتتىق قورىنىڭ شەتەلدەگى وكىلدىكتەرى جابىلعان. ونىڭ قاتارىندا لوندون، ابۋ- دابي، بەيجىڭ جانە ماسكەۋ بار.

«جوعارىدا اتالعان شۇعىل شارالار جىلىنا 2 ميلليارد 600 ميلليون تەڭگەنى ۇنەمدەۋگە سەپتىگىن تيگىزەدى. بۇل باعىتتاعى جۇمىستار قور قاراماعىنداعى پورتفەلدىك كومپانيالارعا دا قاتىستى. بۇگىندە بيۋدجەتكە وزگەرتۋلەر ەنگىزىلىپ جاتىر، ول جازدا دايىن بولادى. سونىڭ قورىتىندىسى بويىنشا پورتفەلدىك كومپانيالار قىزمەتىنە دە قىسقارتۋلار جۇرەدى دەپ جوسپارلاپ وتىرمىز. قور قىزمەتىندەگى جاڭاشىلدىقتىڭ ءبىرى - وندىرىستىك قىزمەتكەرلەردىڭ جالاقىسى 48 پايىزعا ارتتى»، - دەيدى ول.

ونىڭ ايتۋىنشا، جالاقىنىڭ ارتۋى ءوندىرىس سالاسىندا ەڭبەكتەنىپ جاتقان 200 مىڭ جۇمىسشىعا قاتىستى.

ايتا كەتسەك، بۇعان دەيىن قوردىڭ تاۋەلسىز ديرەكتورلارىنىڭ جالاقىسى قىسقارعانى ايتىلدى.

اۆتور: ءالي يبرايەۆ


سوڭعى جاڭالىقتار