قاڭتار وقيعاسىندا ۇستالعانداردى ازاپتادى دەگەن كۇدىكپەن 2 پوليتسەي تەرگەلىپ جاتىر
«بۇل ارىزداردىڭ ءبارى وبەكتيۆتى تۇردە قاراۋ ءۇشىن باسقا دا ءتۇرلى ورگاندارعا جىبەرىلگەن. كەيبىر ارىزداردى ارنايى پروكۋراتۋرا، كەي ارىزداردى - سىبايلاس جەمقورلىققا قارسى ءىس-قيمىل اگەنتتىگى تەكسەرىپ جاتىر. بۇگىنگى كۇنى ءبىزدىڭ قىزمەتكەرلەردەن ەكى ادام جاۋاپقا تارتىلىپ جاتىر. ونىڭ ءبىرى - الماتى وبلىسىندا، ەكىنشىسى - الماتى اۋەجايىنىڭ پوليتسيا ءبولىمىنىڭ باسشىسى تەرگەۋ ورگاندارىندا جاۋاپ بەرىپ جاتىر. تەرگەۋ-تەكسەرۋ جۇمىستارى ءالى دە ءجۇرىپ جاتىر، ارىزداردىڭ ءبارى تەكسەرىلۋ ۇستىندە. قانشا ادام جاۋاپقا تارتىلاتىنى، قانداي ناتيجە بولاتىنى ءالى بەلگىسىز»، - دەدى مارات قوجايەۆ ماجىلىستە تىلشىلەرگە بەرگەن جاۋابىندا.
ايتا كەتەيىك، پرەزيدەنت قاسىم-جومارت توقايەۆ ءوز جولداۋىندا ازاپتاۋمەن بايلانىستى قىلمىستاردى باس پروكۋراتۋراعا جۇكتەۋدى ۇسىنعان ەدى.
