قىلمىس الەمىنىڭ سەركەسى ارمان جۇماگەلديەۆتى قاماۋ مەرزىمى تاعى 2 ايعا ۇزارتىلدى

الماتى. قازاقپارات- «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلديەۆتى قاماۋعا الۋ مەرزىمى تاعى ەكى ايعا ۇزارتىلدى، دەپ حابارلايدى قازاقپارات ءتىلشىسى.

«4 - ساۋىردە الماتىنىڭ مامانداندىرىلعان اۋدانارالىق تەرگەۋ سوتى ارمان جۇماگەلديەۆتىڭ قاماۋعا الۋ تۇرىندەگى بۇلتارتپاۋ شاراسىن 2022 -جىلدىڭ 7 - ماۋسىمىنا دەيىن ۇزارتتى»، - دەپ حابارلادى قالالىق سوتتىڭ باسپا ءسوز قىزمەتى.

ەستەرىڭىزگە سالا كەتەيىك، 7 - قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ سەركەسى ارمان جۇماگەلدييەۆتى ۇستادى. كەيىن ق ر باس پروكۋراتۋراسى ارنايى پروكۋرورلار قىزمەتىنىڭ باستىعى ريزابەك وجاروۆ «ديكي ارمان» توبى 24 بەيبىت تۇرعىندى ۇرلاپ، كۇشتەپ ۇستاعانىن ايتتى.

اۆتور: الما مۇقانوۆا