قاراعاندى وبلىسىندا 2 بالانى ءيت تالاپ، بىرەۋى كوز جۇمدى

قاراعاندى. قازاقپارات - قاراعاندى وبلىسىندا ەكى بالانى ءيت قاۋىپ، بىرەۋى كوز جۇمدى، دەپ حابارلايدى قازاقپارات ءتىلشىسى.

1-ءساۋىر كۇنى ساعات 19.00 شاماسىندا قاراعاندى وبلىسى، اقتوعاي اۋداندىق پوليتسيا بولىمىنە اقتوعاي اۋىلىندا ەكى بالانى ءيت قاپقانى تۋرالى اقپارات ءتۇستى. پوليتسيا قىزمەتكەرلەرىمەن انىقتالعانداي، 3 جانە 5 جاس ارالىعىنداعى ەكى بالا وزدەرىنىڭ ءۇيىنىڭ اۋلاسىندا ويناپ جۇرگەندە بوس جۇرگەن ءيت قاۋىپ العان.

«بالالار اۋرۋحاناعا جەتكىزىلىپ، 3 جاستاعى بالا العان دەنە جاراقاتى سالدارىنان كوز جۇمدى. ەكىنشى بالا اۋرۋحاناعا جاتقىزىلدى. اتالعان فاكت اقتوعاي اۋداندىق پوليتسيا ءبولىمى تەرگەۋ جۇرگىزىلۋدە»، - دەدى پ د باسپا ءسوز قىزمەتى.