ەل اۋماعىندا 2-ساۋىردە جەل كۇشەيىپ، كوكتايعاق بولادى
قازاقستاننىڭ باسىم بولىگى ءالى دە انتيسيكلوننىڭ ىقپالىندا بولعاندىقتان جاۋىن-شاشىنسىز اۋا رايى ساقتالادى. تەك سولتۇستىكتە، قيىر سولتۇستىك- باتىستا جانە ەلدىڭ وڭتۇستىگىنىڭ تاۋلى ايماقتارىنا ءوتىپ جاتقان سيكلون اسەر ەتەدى.
وسىعان بايلانىستى جاڭبىر مەن قار جاۋادى. رەسپۋبليكا بويىنشا تۇمان ءتۇسىپ، كوكتايعاق بولادى، جەل كۇشەيەدى، وڭتۇستىك- باتىستا شاڭدى داۋىل سوعادى. قوستاناي وبلىسىنىڭ سولتۇستىگىندە تۇمان، كوكتايعاق، جەل 15-20 م/س دەيىن كۇشەيەدى.
كۇندىز ماڭعىستاۋ وبلىسىنىڭ باتىسىندا، وڭتۇستىگىندە جانە ورتالىعىندا جەل ەكپىنى - 15-20 م/س، شاڭدى داۋىل سوعادى. اقتوبە وبلىسىنىڭ شىعىسىندا، وڭتۇستىگىندە تۇمان، كۇندىز سولتۇستىك- باتىستا، وڭتۇستىكتە جەل قارقىنى 16 م/س جەتەدى.
سولتۇستىك قازاقستان وبلىسىنىڭ سولتۇستىگىندە كوكتايعاق، وبلىستىڭ باتىسىندا تۇمان، جەلدىڭ كۇشى 15-20 م/س توڭىرەگىندە بولادى. اقمولا وبلىسىنىڭ سولتۇستىگىندە تۇندە جانە تاڭەرتەڭ كوكتايعاق بولادى.
وبلىستىڭ وڭتۇستىك- باتىسىندا، شىعىسىندا تۇمان تۇسەدى، سولتۇستىگىندە، باتىسىندا سەكۋندىنا 15-20 مەتر جىلدامدىقپەن جەل تۇرادى. الماتى وبلىسىنىڭ الاكول كولدەرىندە جەل ەكپىنى 17-22 م/س دەيىن كۇشەيەدى.
تۇندە شىعىس قازاقستان وبلىسىنىڭ باتىسىندا تۇمان تۇسەدى، تۇندە وڭتۇستىك- شىعىستا جەل قارقىنى - 15-20 م/س.
باتىس قازاقستان وبلىسىنىڭ سولتۇستىك- باتىسىندا سەكۋندىنا 15-20 مەتر جىلدامدىقپەن جەل سوعادى.
تۇندە جانە تاڭەرتەڭ جامبىل وبلىسىنىڭ وڭتۇستىگىندە، سولتۇستىك- شىعىسىندا، تاۋلى اۋداندارىندا تۇمان تۇسەدى. پاۆلودار وبلىسىنىڭ سولتۇستىگىندە، وڭتۇستىگىندە، اتىراۋ وبلىسىنىڭ باتىسىندا تۇمان بولادى.
