10:21, 10 - ناۋرىز 2022 | GMT +6
پرەمەر- مينيستر تىڭايتقىش باعاسىنىڭ 2 ەسەگە ءوسۋىن سىنعا الدى
نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ تىڭايتقىش باعاسىنىڭ كۇرت قىمباتتاۋىنا بايلانىستى سىن ايتتى، دەپ حابارلايدى قازاقپارات ءتىلشىسى.
«بيىل تىڭايقىشتاردىڭ باعاسى 2 ەسە ءوستى. «قازفوسفاد» پەن «قازازوت» بىردەن باعانى كوتەردى. مۇنىمەن ءبىز كەلىسە المايمىز. ارينە، ولاردىڭ ينۆەستيتسيالىق باعدارلامالارى بار، مودەرنيزاتسيالاۋ جۇمىستارى جوسپارلانعان. ءبىز ونى قولدايمىز. ءبىراق باعالار بىردەن وسپەۋ كەرەك. بىرتىندەپ وسىرۋگە بولادى»، - دەدى ول ۇكىمەت وتىرىسىندا.
سونداي- اق ۇكىمەت باسشىسى اتالمىش ماسەلەنى مونوپولياعا قارسى ورگان ءجىتى زەرتتەيتىنىن ەسكەرتتى.
«ولاردىڭ ءونىمىنىڭ قولجەتىمدى بولۋى ماڭىزدى. بۇل ماسەلەلەردى مونوپولياعا قارسى ورگانعا تاپسىردىق. وندىرۋشۋلەرمەن بىرلەسىپ بۇل ماسەلەنى تەز ارادا پىسىقتاۋىمىز كەرەك. جۇمىستى ۇيىمداستىرۋ رومان سكليارعا جۇكتەلەدى»، - دەدى پرەمەر- مينيستر.