قازاقستان ترانسكاسپي كولىك باعىتى ارقىلى 2 ميلليون توننا جۇكتى تاسىمالداۋعا دايىن
بۇل تۋرالى قازاقپارات مينيسترلىككە سىلتەمە جاساپ حابارلايدى. كەزدەسۋدە رەسەي مەن ۋكرايناداعى جاعدايعا بايلانىستى ترانسكاسپي حالىقارالىق كولىك باعىتىنىڭ (ت ح ك ب) بيىلعى تاسىمال كولەمى، تەمىرجول ۋچاسكەلەرى جانە كاسپي تەڭىزى ارقىلى وتكىزۋ مۇمكىندىكتەرى تالقىلاندى. سونىمەن قاتار، شەكارالىق وتكىزۋ بەكەتتەرى مەن تەڭىز پورتتارىنىڭ الەۋەتى، قوسىمشا جۇك اعىنىن ت ح ك ب- عا باعدارلاۋ ءۇشىن قولايلى جاعدايلار جاساۋ جايى ءسوز بولدى.
سونداي- اق جوباعا قاتىسۋشىلار اراسىندا بىرلەسكەن كاسىپورىن جانە اتالعان باعىتتى دامىتۋ ءۇشىن ورتا ءدالىز قۇرۋ ماسەلەسى قوزعالدى. ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ وتاندىق ەكسپورتتاۋشىلاردىڭ جۇكتەرىن وسى باعىتقا باعدارلاۋ جايىنا توقتالىپ، ەلىمىز قازىردىڭ وزىندە ەكسپورتقا باعىتتالعان جۇكتىڭ 2 ميلليون تونناسىن تاسىمالداۋعا دايىن ەكەنىن اتاپ ءوتتى. بىرلەسكەن كاسىپورىن قۇرۋ ارقىلى تاريفتەردى بەلگىلەۋ جانە جۇكتەردى دەكلاراتسيالاۋ ماسەلەلەرىن شەشۋگە، ءبىرىڭعاي IT شەشىمدەردى قولدانۋعا جانە ترانزيتتىك جۇكتەردى شوعىرلاندىرۋعا مۇمكىندىك بەرەدى.
بەرىك كاماليەۆ سونىمەن قاتار ت ح ك ب باعىتىندا اۆتوكولىكپەن جاسالاتىن جۇك تاسىمالدارىن بىرلەسىپ دامىتۋدى ۇسىندى. كەزدەسۋ قورىتىندىسىندا تاراپتار ءترانزيتتى دامىتۋ جونىندەگى جۇمىس توبىن قۇرۋ جونىندە شەشىم قابىلدادى. ول بىرلەسكەن كاسىپورىن قۇرۋمەن جەدەل اينالىسادى. سونىمەن قاتار، ۆيتسە- مينيستر بەرىك كاماليەۆ ازەربايجان تاراپىنا ەكى ەل اراسىندا قاتىنايتىن اۋە رەيستەرى سانىن كوبەيتۋ ماسەلەسىن قاراستىرۋدى ۇسىنىپ، ازەربايجاننىڭ سيفرلىق دامۋ جانە كولىك ءمينيسترى راشاد نابيەۆ وعان قولداۋ ءبىلدىردى.