ءماجىلىستىڭ 2 دەپۋتاتىنىڭ وكىلەتتىگى مەرزىمىنەن بۇرىن توقتاتىلادى
وتىرىستا ورتالىق سايلاۋ كوميسسياسىنىڭ مۇشەلەرى كەلەسى قاۋلىلاردى قابىلدادى:
1. ق ر پارلامەنتى ءماجىلىسىنىڭ دەپۋتاتى فايزوللا قامەن ۇلى قامەنوۆتىڭ وكىلەتتىگىن توقتاتۋعا اكەلەتىن نەگىزدىڭ تۋىنداعانى تۋرالى؛
2. ق ر پارلامەنتى ءماجىلىسىنىڭ دەپۋتاتى سەرگەي نيكولايەۆيچ رەشەتنيكوۆتىڭ وكىلەتتىگىن توقتاتۋعا اكەلەتىن نەگىزدىڭ تۋىنداعانى تۋرالى. كونستيتۋتسيانىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 24-بابى 3 جانە 8-تارماقتارىنا سايكەس ورتالىق سايلاۋ كوميسسياسى پارلامەنت ءماجىلىسىنىڭ دەپۋتاتتارى فايزوللا قامەنوۆتىڭ جانە سەرگەي رەشەتنيكوۆتىڭ ءوتىنىش بەرۋلەرىنە بايلانىستى ولاردىڭ وكىلەتتىكتەرىن مەرزىمىنەن بۇرىن توقتاتۋعا اكەلەتىن نەگىزدەر تۋىندادى دەپ قاۋلى ەتتى.
اتالعان دەپۋتاتتاردىڭ وكىلەتتىكتەرىن مەرزىمىنەن بۇرىن توقتاتۋ تۋرالى ۇسىنىمدار ق ر پارلامەنتىنىڭ ماجىلىسىنە ەنگىزىلەتىن بولادى.