تۇركىستان وبلىسىندا تەڭىز دەڭگەيىنەن 2 مىڭ مەتر بيىكتە ماقپالكول اتتى كول بار

قازىعۇرت. قازاقپارات - تۇركىستان وبلىسى قازىعۇرت اۋدانىنداعى وگەم تاۋىنىڭ قويناۋىندا تەڭىز دەڭگەيىنەن 2290 مەتر بيىكتىكتە ماقپالكول اتتى كول بار، دەپ حابارلايدى قازاقپارات.

كولدىڭ اۋماعى - 2000 شارشى مەتر. تەرەڭدىگى - 15 مەتر. سۋى تۇشى. قازىرگى تاڭدا تۋريستىك الەۋەتى جوعارى مەكەنگە اينالعان. وندا بارۋ ءۇشىن كولىكپەن ديىرمەنباستاۋعا دەيىن جەتۋگە بولادى.

ودان سوڭ كولگە دەيىن جاياۋ سوقپاق جولمەن جۇرۋگە تۋرا كەلەدى. ماقپالكول تۋريستىك ايماعىنىڭ جالپى قاشىقتىعى كولگە بارىپ- كەلۋىن قوسقاندا 45 شاقىرىم.

ءبىر باعىتتا 22,5 شاقىرىم بولسا، ديىرمەنباستاۋعا دەيىن 6-7 شاقىرىم، قالعانى 19-20 شاقىرىم جاياۋ جول.