الماتىداعى جاپپاي تارتىپسىزدىكتەر كەزىندە قالا اكىمدىگىن باسىپ الۋعا قاتىسقان 2 شەتەلدىك ۇستالدى
باس پروكۋراتۋرا مالىمەتىنشە، قاڭتارداعى لاڭكەستىك ارەكەتتەر مەن تارتىپسىزدىكتەرگە قاتىستى تەرگەپ- تەكسەرۋ جالعاسىپ جاتىر. جەكەلەگەن ەپيزودتار بويىنشا قىلمىستارعا قاتىسى بار كۇدىكتىلەر انىقتالىپ، ۇستالعان.
«2022 -جىلعى 5-قاڭتارعا قاراعان ءتۇنى الماتىدا قالا اكىمدىگى عيماراتىن باسىپ الۋ كەزىندەگى تارتىپسىزدىكتەرگە بەلسەندى قاتىسقان ەكى شەتەل ازاماتى انىقتالدى.
ولار عيماراتتى قورعاپ جۇرگەن مامانداندىرىلعان كۇزەت قىزمەتىنىڭ قارۋسىز قىزمەتكەرلەرىنە قارسى قاتىگەزدىكپەن كۇش قولدانعان. ولار پوليتسەيلەردەن قۇرالدارىن (قالقاندار، تاياقشالار) تارتىپ الىپ، ۇرىپ-سوققان»، - دەلىنگەن حابارلامادا.
ۆەدومستۆو مالىمەتىنشە، قىلمىسكەرلەردىڭ جەكە باسى بەينەماتەريالداردى سايكەستەندىرۋ ناتيجەسىندە انىقتالعان.
«1-اقپاندا سوت سانكتسياسى بويىنشا، كۇدىكتىلەر قاماۋعا الىندى. ولاردىڭ قىلمىستىق ارەكەتتەرى قىلمىستىق كودەكستىڭ 272-بابى 2-بولىگى («جاپپاي تارتىپسىزدىكتەرگە قاتىسۋ»)، 380-بابى 3-بولىگىنىڭ 1,4-تارماقتارى («بيلىك وكىلىنە كۇش قولدانۋ») بويىنشا سارالاندى»، - دەلىنگەن حابارلامادا.
سونداي-اق، حابارلامادا 2022 -جىلعى 6-قاڭتاردا قىلمىسكەرلەر تەلەەفير ۇيىمداستىرۋ ماقساتىندا «كوك توبە» تەلەمۇناراسىن باسىپ الۋدى جوسپارلاعانى كورسەتىلگەن. ۆەدومستۆو مالىمەتىنە سۇيەنسەك، وسى ماقساتتا كۇدىكتىلەر بەيبىت تۇرعىنداردى بىرلەسىپ قىلمىس جاساۋعا ۇگىتتەگەن جانە ولاردىڭ ومىرىنە ءقاۋىپ توندىرگەن.
«1992 -جىلى تۋعان ازامات باس تارتقان سوڭ قىلمىسكەرلەر وعان مىلتىقپەن ەكى رەت وق اتقان، ناتيجەسىندە جابىرلەنۋشى قولىنان جانە جىنىس مۇشەلەرى تۇسىنان جاراقات العان. قىلمىستىڭ ۇيىمداستىرۋشىسى ۇستالدى، ول بۇرىن سوتتالعان 1983 -جىلى تۋعان الماتى قالاسى ماڭىنىڭ تۇرعىنى بولىپ شىقتى. ول 25-قاڭتاردا سوت سانكسياسى بويىنشا قاماۋعا الىندى»، - دەلىنگەن حابارلامادا.
ەسكە سالايىق، 2-قاڭتاردا ماڭعىستاۋ وبلىسىنىڭ تۇرعىندارى سۇيىتىلعان مۇناي گازى قىمباتتاۋىنا بايلانىستى ميتينگىگە شىققان بولاتىن. 3-قاڭتاردا بىردەن بىرنەشە وبلىستا ميتينگىلەر باستالدى. نارازىلىق شاراسىنا مۇناي ءوندىرۋشى كاسىپورىنداردىڭ جۇمىسشىلارى دا قوسىلدى. 4-قاڭتاردا وزگە دە قالالاردا بىردەن جاپپاي تارتىپسىزدىك باستالدى.
كەيىنىرەك پرەزيدەنت قاسىم-جومارت توقايەۆ الماتى قالاسى مەن ماڭعىستاۋ وبلىسىندا توتەنشە جاعداي ەنگىزۋ تۋرالى جارلىققا قول قويدى. الماتى قالاسى مەن ماڭعىستاۋ وبلىسىندا 2022 -جىلعى 5-قاڭتارداعى ساعات 01:30-دان 2022 -جىلعى 19-قاڭتاردىڭ ساعات 00:00 كەزەڭى ارالىعىندا توتەنشە جاعداي ەنگىزىلدى.
5-قاڭتاردا ۇكىمەت وتستاۆكاعا كەتتى، قازاقستاندا الەۋمەتتىك ماڭىزى بار ازىق- تۇلىك تاۋارلارى، سۇيىتىلعان گاز، بەنزين جانە ديزەل وتىنىنىڭ باعاسىن مەملەكەتتىك رەتتەۋ ەنگىزىلدى. الايدا تولقۋ كۇشەيە ءتۇستى. الماتى قالاسى قاتتى زارداپ شەكتى. بۇلىكشىلەر اكىمدىك عيماراتىن ورتەپ جىبەردى، پرەزيدەنت رەزيدەنتسياسىن باسىپ الدى، دۇكەندەردى، ساۋدا ورتالىقتارىن، بانك كەڭسەلەرى مەن بانكوماتتاردى قيراتىپ، تونادى.
سونداي- اق، قاسىم-جومارت توقايەۆ ەلىمىزدە قالىپتاسقان كۇردەلى قوعامدىق- ساياسي جانە الەۋمەتتىك- ەكونوميكالىق جاعدايعا توقتالىپ، سۇيىتىلعان گاز باعاسىنىڭ وسۋىنە بايلانىستى حالىقتىڭ نارازىلىعىن تۋدىرعانى ءۇشىن ۇكىمەت، سونىڭ ىشىندە، ەنەرگەتيكا مينيسترلىگى، «قازمۇنايگاز» بەن «قازاق گاز» كاسىپورىندارى كىنالى ەكەنىن ايتتى.
6-قاڭتاردا كارىم ءماسىموۆ ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتىلدى. ۇ ق ك-نىڭ جاڭا باسشىسى بولىپ ەرمەك ساعىمبايەۆ تاعايىندالدى. ءدال وسى كۇنى ۇ ق ك قىلمىستىق كودەكستىڭ 175-بابى 1-بولىگى بويىنشا «مەملەكەتكە وپاسىزدىق جاساۋ» بابى بويىنشا سوتالدى تەرگەۋ امالدارى باستالدى. قىلمىس جاسادى دەگەن كۇدىكپەن ۇ ق ك-نىڭ بۇرىنعى ءتوراعاسى كارىم ءماسىموۆ پەن باسقا دا تۇلعالار ۇستالىپ، ۋاقىتشا ۇستاۋ يزولياتورىنا قامالدى. ال 10-قاڭتار جالپىۇلتتىق ازا تۇتۋ كۇنى بولىپ جاريالاندى.
قازاقستانداعى تارتىپسىزدىكتەردەن بيزنەسكە كەلتىرىلگەن شىعىن 12-قاڭتاردا 100 ميلليارد تەڭگەدەن استى. قازا بولعاندار مەن زارداپ شەككەندەر سانى انىقتالىپ جاتىر، ءالى بەلگىسىز.
11-قاڭتاردا پرەزيدەنت قاسىم-جومارت توقايەۆ جاڭا ۇكىمەت مۇشەلەرىن تاعايىندادى.
