جانۋارلارعا جاۋاپكەرشىلىكپەن قاراۋ تۋرالى زاڭ 2- ناۋرىزدان باستاپ كۇشىنە ەنەدى
بۇل تۋرالى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ءاليا شالابەكوۆا ايتتى، دەپ حابارلايدى قازاقپارات.
«مەملەكەت باسشىسى 2021 -جىلى 30- جەلتوقساندا بيىلعى جىلدىڭ 2 ناۋرىزىنان باستاپ كۇشىنە ەنەتىن «جانۋارلارعا جاۋاپكەرشىلىكپەن قاراۋ تۋرالى» زاڭعا قول قويدى. قازىرگى ۋاقىتتا بۇرىن- سوڭدى زاڭنامامەن قامتىلماعان قۇقىقتىق قاتىناستاردى رەتتەۋدىڭ نەگىزگى قاعيدالارى بەلگىلەندى. جاڭا زاڭعا سايكەس، ازاماتتاردى ادامگەرشىلىككە تاربيەلەۋ يدەولوگياسى جانۋارلارعا اۋىرسىنۋدى سەزىنەتىن تىرشىلىك يەلەرى رەتىندە قاراۋ، جانۋارلاردىڭ ءومىرى، دەنساۋلىعى مەن ءال- اۋقاتى ءۇشىن يەلەرىنىڭ جەكە جاۋاپكەرشىلىگى، ولاردى قاتىگەزدىكتەن قورعاۋ، حالىقتىڭ ولارعا مورالدىق جانە ادامگەرشىلىك كوزقاراسىن تاربيەلەۋ بولىپ وتىر»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
اتاپ ايتقاندا، وسى زاڭ ارقىلى جەكەلەگەن ساناتتاعى جانۋارلاردى مادەني ويىن- ساۋىق، ەكسپەريمەنتتىك، قىزمەتتىك ماقساتتاردا، ۇيدەگى، قاراۋسىز جانە قاڭعىباس جانۋارلاردى اسىراۋ جانە ۇستاۋ كەزىندەگى تالاپتار بەلگىلەنگەن.
«سونداي- اق، بارلىق بۇقارالىق اقپارات قۇرالدارىندا جانۋارلارعا قاتىگەزدىكپەن قاراۋدى ناسيحاتتاۋعا تىيىم سالىنادى. زاڭ ەرەجەلەرىن ىسكە اسىرۋ ءۇشىن قازىرگى ۋاقىتتا ءبىزدىڭ مينيسترلىك قوعام تالقىسىنان جانە قۇزىرەتتى مەملەكەتتىك ورگاندارمەن كەلىسۋ راسىمدەرىنەن وتەتىن نورماتيۆتىك- قۇقىقتىق اكت جوبالارىن ازىرلەدى»، - دەدى ءا. شالابەكوۆا.
مينيسترلىك وكىلى ءۇي جانۋارلارىنا اسىراۋدى رەتتەۋگە باعىتتالعان نورماتيۆتىك- قۇقىقتىق اكت جوبالارى تۋرالى ايتىپ بەردى. ولار:
ءۇي جانۋارلارىن ۇستاۋ مەن سەرۋەندەتۋدىڭ تيپتىك ەرەجەلەرى؛
ءۇي جانۋارلارىن ەسەپكە الۋ ەرەجەلەرى؛
جانۋارلاردى تاسىمالداۋ ەرەجەلەرى؛
ەسەپكە الىناتىن ءۇي جانۋارلارىنىڭ تىزبەسى؛
تۇرعىن ۇيلەردە ۇستاۋعا تىيىم سالىنعان جانۋارلاردىڭ ءتىزىمى؛
جانۋار يەسىنىڭ ەرەكشە جاۋاپكەرشىلىگىن قاجەت ەتەتىن ءۇي جانۋارلارىنىڭ ءتىزىمى.
اۆتور: ايجان سەرىكجان قىزى
