ماڭعىستاۋدا قاتتى جەلدەن 2 كولىك اۋدارىلىپ قالدى

اقتاۋ. قازاقپارات - 8- جەلتوقساندا شەتپە-ساي-وتەس تاسجولىندا قاتتى جەلدىڭ سالدارىنان ەكى كولىك اۋدارىلىپ قالدى، دەپ حابارلايدى قازاقپارات lada.kz سايتىنا سىلتەمە جاساپ.

ساعات 23:10 دا «102» نومىرىنە شەتپە-ساي-وتەس تاسجولىندا «گازەل» ماركالى ەكى كولىكتىڭ اۋدارىلىپ قالعانى تۋرالى حابار ءتۇستى.

«وقيعا ورنىنا پاترۋلدىك پوليتسيا روتاسى كەتتى. ەشكىم زارداپ شەككەن جوق. كولىكتى كوتەرۋگە تراكتورمەن كومەكتەستى»، - دەدى ءوڭىر پوليتسياسىنان.

ءتارتىپ ساقشىلارى جۇرگىزۋشىلەردەن قاتتى قاجەتتىلىك بولماسا، رۋلگە وتىرماۋىن سۇرايدى.

ەسكە سالايىق، كەشە، 8- جەلتوقساندا جەتىباي-شەتپە تاسجولىنىڭ 96-101 شاقىرىمى ارالىعىندا شاڭدى داۋىل سالدارىنان كولىك كەپتەلىسى تۋىنداعان.

وبلىس اۋماعىندا ەكى كۇننەن بەرى شاڭدى داۋىل مەن قاتتى جەل سوعىپ تۇر.