پوليتسياعا قاتىستى سىني اقپاراتتار 2 ەسەگە قىسقاردى - تۇرعىمبايەۆ

بۇل تۋرالى ماجىلىستەگى ۇكىمەت ساعاتىندا ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.

«ەستيتىن مەملەكەت» قۇرۋ ماقساتىندا ىشكى ىستەر ورگاندارىنىڭ قىزمەتىن ۇيىمداستىرۋ وزگەرتىلدى. بارلىق ايماقتا «ازاماتتارعا ارنالعان قابىلداۋ» بولمەلەرى اشىلدى. وندا حالىققا كونسۋلتاتيۆتىك كومەك كورسەتىلەدى. الەۋمەتتىك جەلىمەن جۇمىس كۇشەيدى. فەيسبۋكتە بارلىق باسشىلاردىڭ جەكە اككاۋنتتارى اشىلدى»، - دەدى مينيستر.

ونىڭ اتاپ وتۋىنشە، ازاماتتاردى قابىلداۋ ءتارتىبى وزگەردى. ەندى بارلىق دەڭگەيدەگى باسشىلار ازاماتتاردى اپتا سايىن قابىلدايدى. ازاماتتارعا ىڭعايلى بولۋى ءۇشىن بەينەبايلانىس ارقىلى قابىلداۋ جۇرگىزىلەدى.

«ۋچاسكەلىك ينسپەكتورلار پيك، مۇلىك يەلەرى بىرلەستىگى چاتتارىنا قوسىلدى. توقسان سايىن «جولداعى قابىلداۋ» اكسيالارى وتكىزىلەدى. وسى جىلى 18 مىڭ ازاماتقا كەڭەس بەرىلدى، 25 مىڭ ارىز قارالدى. ازاماتتار كوبىنە - پوليتسيا جۇمىسىن جاقسارتۋ، جول قوزعالىسى، تىركەۋ، قۇجاتتاردى الۋ ماسەلەلەسىمەن ءوتىنىش بىلدىرگەن. ايماق باسشىلارى مەن ۋچاسكەلىك ينسپەكتورلار تۇرعىندار الدىندا توقسان سايىن ەسەپ بەرەدى. حالىققا ۇزدىكسىز اقپارات بەرۋ ءۇشىن ۆەدومستۆالىق «پوليتسيا. كز» سايتى مەن تەلەستۋديا ىسكە قوسىلدى. بريفينگتەر اپتا سايىن وتكىزىلەدى. ناتيجەسىندە، سىني اقپاراتتار سوڭعى 2 جىلدا 2 ەسە قىسقاردى»، - دەدى ەرلان تۇرعىمبايەۆ.

اۆتور: مارلان جيەمباي