پرەزيدەنتتىڭ 2 ميلليارد اعاش وتىرعىزۋ تاپسىرماسى قالاي ورىندالىپ جاتىر

«ورمان قورىندا 2 ميللياردتان استام اعاش وتىرعىزۋ جۇمىستارى جالعاسۋدا. 5 جىلعا ارنالعان كەشەندى جوسپارلار بەكىتىلدى. ورماندى تولىقتىرۋدى باقىلاۋ مەن مونيتورينگىلەۋگە ارنالعان ينتەراكتيۆتى كارتا جاسالدى. اتاپ ايتقاندا، بۇگىنگى تاڭدا جوسپارلانعان 129 ميلليون اعاشتىڭ 89 ميلليونى وتىرعىزىلدى»، - دەدى س. برەكەشەۆ ۇكىمەت وتىرىسىندا.

ودان باسقا، مەملەكەت باسشىسىنىڭ تاپسىرماسىمەن ارال تەڭىزىنىڭ قۇرعاعان تۇبىنە جالپى كولەمى 1,1 ميلليون گەكتار جەرگە سەكسەۋىل وتىرعىزۋ باستالدى.

«بيىل سەكسەۋىل ەگۋ 100 مىڭ گا القاپتا، كەلەسى 4 جىلدا جىل سايىن 250 مىڭ گا القاپتا جۇرگىزىلەتىن بولادى. وزبەكستان رەسپۋبليكاسىنىڭ وڭ تاجىريبەسىن قولدانا وتىرىپ، ءبىز العاش رەت سەكسەۋىلدى اەرو ەگۋدى جۇرگىزۋدى جوسپارلاپ وتىرعانىمىزدى اتاپ ءوتۋ قاجەت. ىنتىماقتاستىق جونىندەگى ءتيىستى جول كارتاسىنا قول قويىلدى»، - دەپ اتاپ ءوتتى مينيستر. ەسكە سالا كەتسەك، پرەزيدەنت ق. توقايەۆ 2020 -جىلعى قازاقستان حالقىنا جولداۋىندا 5 جىلدا 2 ميلليارد ءتۇپ اعاش وتىرعىزۋ تۋرالى تاپسىرما بەرگەن بولاتىن.

اۆتور: ايجان سەرىكجان قىزى