قاراعاندىدا 2-سىنىپ وقۋشىسىن دارەتحاناعا جىبەرمەي قويعان مۇعالىم جۇمىستان بوساتىلدى
سالدارىنان ەكىنشى سىنىپ وقۋشىسى سىنىپتاستارىنىڭ الدىندا ساباق كەزىندە كىشى دارەتكە وتىرىپ قويعان، دەپ حابارلايدى قازاقپارات ءتىلشىسى.
قاراعاندى قالاسىنىڭ ءبىلىم بولىمىندە ەكىنشى سىنىپ مۇعالىمىنىڭ ارەكەتىنە قاتىستى قىزمەتتىك تەرگەۋ اياقتالدى. ساباق بارىسىندا وقۋشىلاردىڭ ءبىرى دارەتحاناعا بارۋدى وتىنگەن. الايدا مۇعالىم بالانى جىبەرمەي، ول ساباق بارىسىندا كىشى دارەتكە وتىرىپ قويعان. سودان كەيىن مۇعالىم بالانىڭ اناسىنا قوڭىراۋ شالىپ، ۇلىنا تازا كيىم اكەلۋىن وتىنگەن. مۇعالىم دارەتحاناعا جىبەرمەي قويعانىن بالا تەك ۇيىندە ايتقان. وقۋشىنىڭ اناسى مەكتەپ باسشىلىعىنا بالاسىنا وسىنداي ارەكەت جاسالعانىن ايتىپ، شاعىم تۇسىرگەن. وسى ارەكەتى ءۇشىن مۇعالىم جۇمىستان بوساتىلدى.
«مۇعالىمنىڭ ءىس- ارەكەتىندە فۋنكتسيونالدىق مىندەتتەردىڭ بۇزىلۋى، سونداي- اق بولعان جاعداي تۋرالى مەكتەپ ديرەكتورىن ۋاقتىلى حاباردار ەتپەگەنى بەلگىلى بولدى. مۇعالىم دەرەۋ اناسىنا وقيعانىڭ سەبەپتەرى تۋرالى حابارلاپ، كەشىرىم سۇراۋى كەرەك ەدى. ۇستاز قاتاڭ سوگىس تۇرىندە تارتىپتىك جاۋاپكەرشىلىككە تارتىلىپ، 8- قازاننان باستاپ جۇمىستان بوساتىلدى»، - دەپ حابارلادى قاراعاندى وبلىسىنىڭ ءبىلىم سالاسىنداعى ساپانى قامتاماسىز ەتۋ دەپارتامەنتى.
