جالعان ۆاكسينا پاسپورتىن ساتقانى ءۇشىن 2 ەمحانانىڭ باسشىسى جۇمىستان كەتتى
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ ايتتى، دەپ حابارلايدى قازاقپارات ءتىلشىسى.
«قۇجاتتى قولدان جاساۋعا قاتىسى بار ەكى ەمحانا باسشىسى، التى دارىگەر مەن مەدبيكەلەردى جۇمىستان شىعارۋعا تۋرا كەلدى. وسىنداي جاعداي بولماۋى ءۇشىن كۇشەيتىلگەن ءتۇسىندىرۋ جۇمىستارىن جۇرگىزىپ جاتىرمىز، بەينەكامەرا سانى كوبەيتىلدى، باقىلاۋشىلار جۇمىسى كۇشەيتىلدى»، - دەدى باسقارما ناريمان تابىنبايەۆ.
ونىڭ ايتۋىنشا، جاپپاي ۆاكسينالاۋ باستالعالى بەرى قالادا جالعان قۇجات جاساۋ بويىنشا 16 جاعداي انىقتالدى.
«بۇل جاپپاي ۆاكسينالاۋ باستالعان كەزەدە ورىن الدى. ءۇش ەمحانادا فاكتى انىقتالدى. شامامەن 16-عا جۋىق جاعداي تىركەلدى. قازىر ىسپەن تەرگەۋ ورگاندارى اينالىسىپ جاتىر»، - دەدى الماتىنىڭ باس دارىگەرى.
باسقارما باسشىسى بارلىق دەرەك تەرگەۋ جۇرگىزۋ ءۇشىن پوليتسياعا جولدانعانىن جەتكىزدى.
