استىقجان ساۋدا ورتالىعىنداعى ءورت: دارىگەرلەر 2-قاباتتان قۇلاعان قىزدىڭ جاعدايىن ايتتى
بۇل تۋرالى ۇلتتىق عىلىمي تراۆماتولوگيا جانە ورتوپەديا ورتالىعى حابارلادى، - دەپ حابارلايدى Tengrinews.kz ءتىلشىسى.
ورتالىقتىڭ مالىمەتىنشە، 20 جاستاعى قىزدىڭ جاعدايى تۇراقتى. ول قوسىمشا تەكسەرۋدەن ءوتىپ، ەمدەلىپ جاتىر.
«ونىڭ جاعدايى جاقسى، ومىرىنە قاۋىپ ءتونىپ تۇرعان جوق»، - دەپ حابارلادى ۇ ق ش ۇ باسپا ءسوز قىزمەتى.
2-قازاندا «استىقجان» ساۋدا ورتالىعىندا ءورت شىعىپ، ءۇشىنشى قاباتتاعى جيھاز سالونى ورتەندى. ءورت اۋماعى 7 مىڭ شارشى مەترگە جەتتى.
ءورت سوندىرۋشىلەر كەلگەنگە دەيىن جيھاز سەحىنىڭ جۇمىسشىسى، 2001 -جىلى تۋعان قىز ەكىنشى قاباتتىڭ تەرەزەسىنەن قۇلاپ، ورتتەن قاشقان. وقيعا ۆيدەوعا ءتۇسىپ قالعان.
كەلتىرىلگەن زالالدىڭ مولشەرىن انىقتاۋ ءۇشىن اكىمدىك وكىلدەرى مەن ساۋدا ءۇيى باسشىلىعىنان تۇراتىن جەدەل شتاب قۇرىلدى. پوليتسيا قىلمىستىق كودەكستىڭ 292-بابى ءورت قاۋىپسىزدىگى تالاپتارىن بۇزۋ بويىنشا قىلمىستىق ءىس قوزعادى.
