اقتاۋ تەڭىز ايلاعىندا 2 قوسالقى ايماق سالىنادى
بۇل تۋرالى ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى.
«ماڭعىستاۋ وبلىسىن دامىتۋدىڭ كەشەندى جوسپارىنىڭ جوباسى اياسىندا مينيسترلىك جالپى سوماسى 257,5 ميلليارد تەڭگە بولاتىن 16 ءىس- شاراعا جاۋاپتى. ءوڭىردى ونەركاسىپتىك دامىتۋ ءۇشىن كەشەندى جوسپاردا «اقتاۋ تەڭىز پورتى» ارنايى ەكونوميكالىق ايماعىنىڭ اۋماعىندا №2 جانە №4 قوسالقى ايماق قۇرىلىسىن باستاۋ ۇسىنىلادى»، - دەدى ۆەدومستۆو باسشىسى.
ونىڭ ايتۋىنشا، بۇل ماقساتقا 2023-2025 -جىلدار ارالىعىندا 9,6 ملرد تەڭگە ءبولۋ كوزدەلىپ وتىر.
«قوسالقى ايماقتاردىڭ ينفراقۇرىلىمىن اياقتاۋىنا 327 ميلليارد تەڭگە سوماسىنا ينۆەستيتسيالار تارتا وتىرىپ، 1200 جۇمىس ورنىن قۇرا وتىرىپ، جوبالارمەن تولىقتىرۋعا مۇمكىندىك بەرەدى. جوبالاردى ىسكە اسىرۋ ءوڭىر ەكونوميكاسىن ءارتاراپتاندىرىپ، قوسىمشا جۇمىس ورىندارىن اشادى. بيۋدجەتكە تۇسەتىن ءتۇسىمدى ارتتىرىپ، مۋلتيپليكاتيۆتىك اسەرىن تيگىزەدى. وسىلايشا، 1 تەڭگە بيۋدجەتتىك ينۆەستيتسياعا 13,1 تەڭگە جەكە ينۆەستيتسيا تارتۋ جوسپارلانىپ وتىر»، - دەدى بەيبىت اتامقۇلوۆ.
