قازاقستانداعى ءبىرىڭعاي تۇرعىن ءۇي باعدارلاماسىنىڭ يپوتەكالىق مولشەرلەمەسى 2 پايىز بولادى
«ءۇي كەزەگىندە تۇرعان ازاماتتارعا «وتباسى» بانكىنىڭ يپوتەكالىق باعدارلامالارى بويىنشا باستاپقى جارنا كولەمى باسپانا قۇنىنىڭ 10 پايىزىنا دەيىن تومەندەتىلەدى. وتباسى تابىسىنا بايلانىستى جەڭىلدىكتى نەسيەلەندىرۋ بويىنشا مولشەرلەمە جىلدىق 2 پايىز جانە 5 پايىز بولادى»، - دەدى مينيستر.
ونىڭ اتاپ وتۋىنشە، باسپانا جاعدايىن جاقسارتۋعا زەينەتاقى جيناقتارىن پايدالانۋ تۋرالى قاعيدالارعا وزگەرىستەر ەنگىزىلەدى. سوعان سايكەس زەينەتاقى جيناقتارىنىڭ جەتكىلىكتى شەگىنەن اساتىن بولىگىن ءۇي ساتىپ الۋ ءۇشىن «وتباسى بانكىنىڭ» شوتىنا اۋدارۋعا مۇمكىندىك بەرىلەدى.
«قۇرىلىس سالۋشىلاردى قولداۋ ماقساتىندا مەملەكەتتىك- جەكەمەنشىك ارىپتەستىك جانە ۇلەستىك قۇرىلىس الەۋەتىن پايدالانىپ، جوبالىق قارجىلاندىرۋ تەتىگى ەنگىزىلەدى»، - دەدى بەيبىت اتامقۇلوۆ.
ەسكە سالساق، مەملەكەت باسشىسى قاسىم- جومارت توقايەۆ قازاقستان حالقىنا جولداۋىندا ءبىرىڭعاي تۇرعىن ءۇي باعدارلاماسى ازىرلەنەتىندىگى ايتىلدى.
