15:27, 18 - تامىز 2021 | GMT +6
وتاندىق اۋە كومپانيالارى تاسىمالداعان جولاۋشىلار سانى 2 ەسەگە ارتتى
نۇر- سۇلتان. قازاقپارات - بيىلعى جىلدىڭ 7 ايىندا قازاقستاندىق اۋە كومپانيالارى تاسىمالداعان جولاۋشىلار سانى 2 ەسەگە ارتتى،
دەپ حابارلايدى قازاقپارات ق ر يندۋستيريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ.
بيىل وتكەن جىلمەن سالىستىرعاندا كورسەتكىشتەر ءوستى. 2021 -جىلدىڭ 7 ايىندا تاسىمالدانعان جولاۋشىلار سانى % 96 ارتىپ، 5,1 ميلليون ادامعا جەتتى.
«2020 -جىلدىڭ وسى كەزەڭىندە 2,6 ميلليون ادام، ال 2019 -جىلى 4,6 ميلليون ادام بولعان. اۋەجايلاردا قىزمەت كورسەتىلگەن جولاۋشىلار سانى سانى % 58 ارتىپ، 8,1 ميلليون ادام بولدى»، - دەلىنگەن حابارلامادا.