اپتاپ، بۇرشاق، نايزاعاي: 2 -شىلدەگە ارنالعان اۋا رايى بولجامى
قازاقستاننىڭ باسىم بولىگىندە انتيتسيكلون اسەرىنەن ىستىق جانە قۇرعاق اۋا رايى كۇتىلەدى. تەك ەلىمىزدىڭ باتىس بولىگىنە سيكلون جىراسىمەن بايلانىسقان اتموسفەرالىق فرونتتار اسەر ەتەدى. سالدارىنان جاڭبىر مەن بۇرشاق جاۋادى، نايزاعاي جارقىلدايدى.
رەسپۋبليكا بويىنشا كەي جەرلەردە جەل كۇشەيەدى. باتىس قازاقستان وبلىسىنىڭ كەي جەرلەرىندە داۋىل سوعادى، بۇرشاق جاۋادى. جەل ەكپىنى 15-20 م/س جەتەدى. ماڭعىستاۋ، اقتوبە، كۇندىز جامبىل، قىزىلوردا، سولتۇستىك قازاقستان وبلىستارىندا جەل قارقىنى 15-20 م/س دەيىن كۇشەيەدى.
كۇندىز جامبىل وبلىسىندا بۇرشاق جاۋادى. قوستاناي وبلىسىنىڭ كەي جەرلەرىندە داۋىل تۇرادى، جەلدىڭ كۇشى - 15-20 م/س. كۇندىز اقتوبە، اقمولا، قىزىلوردا، قوستاناي، سولتۇستىك قازاقستان، قاراعاندى وبلىستارىندا قاتتى، كەي جەرلەردە وتە قاتتى اپتاپ ىستىق ساقتالادى.
الماتى، جامبىل، تۇركىستان، اتىراۋ، پاۆلودار، باتىس قازاقستان، ماڭعىستاۋ وبلىستارىنىڭ كەي جەرلەرىندە قاتتى ىستىق بولادى.
قىزىلوردا، تۇركىستان، ماڭعىستاۋ وبلىستارىندا، اتىراۋ، اقتوبە، جامبىل وبلىستارىنىڭ باسىم بولىگىندە، قاراعاندى، باتىس قازاقستان، قوستاناي وبلىستارىنىڭ كەي جەرلەرىندە، الماتى وبلىسىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.
