قىزىلوردادا تۇرعىننىڭ 2 ميلليون تەڭگەسىن يەمدەنىپ كەتكەن الاياق ۇستالدى

وبلىس ورتالىعىنىڭ تۇرعىنى ءۇي يەسىنە «ءۇيدىڭ باسپالداعىن جاساپ بەرەمىن» دەگەن جەلەۋمەن سەنىمىنە كىرىپ، 2 ميلليون تەڭگەدەن استام اقشاسىن العان. بۇل وقيعا بىلتىر بولسا دا كەلىسىلگەن ۋادە ورىندالماعان. ءۇي يەسى اتالعان ماسەلەمەن پوليتسياعا جۇگىندى. شاعىم بويىنشا وبلىستىق پوليسيا دەپارتامەنتىنىڭ قىزمەتكەرلەرى كۇدىكتىنى ۇستادى.

ول كىناسىن مويىنداپ، وعان قاتىستى «ەشقايدا كەتپەۋ جانە ءوزىن دۇرىس ۇستاۋ تۋرالى قولحات» تۇرىندەگى بۇلتارتپاۋ شاراسى قولدانىلدى.

ق ر قىلمىستىق كودەكسىنىڭ 190-بابىنىڭ 1-بولىگىمەن سوتقا دەيىنگى تەرگەپ- تەكسەرۋ امالدارى جۇرگىزىلىپ جاتىر. وندا الاياقتىق، ياعني بوتەننىڭ مۇلكىن جىمقىرۋ نەمەسە الداۋ نەمەسە سەنىمدى تەرىس پايدالانۋ جولىمەن بوتەن مۇلىككە قۇقىقتى يەمدەنۋ جاعدايى كورسەتىلگەن.