ۇلتتىق مۇناي- حيميا تەحنوپاركىندە 2 جوبا ىسكە استى

نۇر- سۇلتان. قازاقپارات - ەنەرگەتيكا ءمينيسترى نۇرلان نوعايەۆ ماجىلىستە وتكەن وتىرىستا «ۇلتتىق يندۋستريالىق مۇناي- حيميا تەحنوپاركى» ارنايى ەكونوميكالىق ايماعىنىڭ قازىرگى جاعدايى تۋرالى مالىمەت بەردى، دەپ حابارلايدى قازاقپارات ءتىلشىسى.

«بۇگىنگى تاڭدا ارنايى ەكونوميكالىق ايماق اۋماعىندا 10 قاتىسۋشى تىركەلگەن، ولاردىڭ ەكەۋى جوباسىن ىسكە اسىردى. ەكى جوبا بويىنشا قۇرىلىس جۇرگىزىلۋدە جانە 6 جوبا جوبالاۋ ساتىسىندا تۇر. 2021 - جىلعى 1 - مامىرداعى جاعداي بويىنشا، تارتىلعان ينۆەستيتسيالار كولەمى - 850 ميلليارد تەڭگە بولدى. 23,1 ميلليارد تەڭگەنىڭ ءونىمى شىعارىلىپ، 820 تۇراقتى جانە 3383 ۋاقىتشا جۇمىس ورنى اشىلدى»، - دەدى ەنەرگەتيكا ءمينيسترى.

سونداي- اق، ول «ۇلتتىق يندۋستريالىق مۇناي- حيميا تەحنوپاركى» ارنايى ەكونوميكالىق ايماقتىڭ ينفراقۇرىلىمىن تارتۋعا مەملەكەتتەن 161,7 ميلليارد تەڭگە بولىنگەنىن اتادى. «وسى قاراجاتقا تەمىر جول جانە اۆتوموبيل جولدارى، ينجەنەرلىك جەلىلەر مەن جالپى زاۋىتتىق سيپاتتاعى وزگە دە قاجەتتى ينفراقۇرىلىمدىق وبەكتىلەر سالىندى. سونداي- اق، قۋاتى 310 مۆت- تى قۇرايتىن گازترۋبينالىق ەلەكتروستانساسى، پايدالانۋعا بەرىلدى جانە سۋ دايىنداۋ قوندىرعىسىنىڭ قۇرىلىسى جۇزەگە اسىرىلۋدا. ءبىرىنشى كەزەڭدەگى ينفراقۇرىلىمدىق وبەكتىلەر پوليپروپيلەن ءوندىرۋ جونىندەگى زاۋىتتىڭ جۇمىس ىستەۋىن قامتاماسىز ەتۋگە ارنالعان»، - دەدى مينيستر.

اۆتور: ەسىمجان ناقتىباي