اۋا رايىنىڭ 2-مامىر كۇنگى بولجامى

باتىستا اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاڭبىر، نايزاعاي كۇتىلەدى.

تۇندە شىعىستا جاڭبىر مەن قار تۇرىندە جاۋىن- شاشىن بولادى. رەسپۋبليكانىڭ كەي جەرلەرىندە تۇمان ساقتالادى، جەل كۇشەيەدى. وڭتۇستىكتە شاڭدى داۋىل تۇرىپ، جەل سوعادى، دەپ حابارلايدى قازاقپارات.

«قازگيدرومەت» ر م ك مالىمەتىنشە، سولتۇستىك قازاقستان وبلىسىندا جەلدىڭ كۇشى تۇندە كەي جەرلەردە 15-20 م/س، كۇندىز 23-28 م/س دەيىن ارتۋى مۇمكىن. تۇندە جانە تاڭەرتەڭ تۇمان بولۋى ىقتيمال.

قىزىلوردا وبلىسىنىڭ كەي جەرلەرىندە جەلدىڭ ەكپىنى كۇندىز 23-28 م/س جەتەدى. شاڭدى داۋىل تۇرادى.

جامبىل وبلىسىنىڭ كەي جەرلەرىندە جەلدىڭ جىلدامدىعى 23-28 م/س كۇشەيەدى. تۇركىستان وبلىسىنىڭ كەي جەرلەرىندە جەل 15-20 م/س ارتادى. شاڭدى داۋىل سوعادى.

شىعىس قازاقستان، كۇندىز الماتى وبلىستارىنىڭ كەي جەرلەرىندە جەل 15-20 م/س كۇشەيەدى. تۇندە جانە تاڭەرتەڭ تۇمان كۇتىلەدى.

اقمولا، پاۆلودار، قاراعاندى، كۇندىز قوستاناي، باتىس قازاقستان وبلىستارىنىڭ كەي جەرلەرىندە جەل 15-20 م/س ارتادى. باتىس قازاقستان وبلىسىنىڭ كەي جەرلەرىندە نايزاعاي سوعادى. تۇندە اقمولا، پاۆلودار، قاراعاندى وبلىستارىنىڭ كەي جەرلەرىندە 3 گرادۋسقا دەيىن ۇسىك جۇرەدى.