پاندەميادان كوز جۇمعان ۇلتتىق ۇلاننىڭ 2 ساربازى مەملەكەتتىك وردەنمەن ماراپاتتالدى

بۇل تۋرالى ۇلتتىق ۇلان اسكەري كەڭەسىنىڭ حاتشىسى ساۆەردين يميروۆ ورتالىق كوممۋنيكاتسيالار قىزمەتىندە ايتتى، دەپ حابارلايدى قازاقپارات ءتىلشىسى.

«ۇلتتىق ۇلان قىزمەتى پاتريوتتىق پەن ەرلىكتىڭ مەكتەبىنە اينالدى. جۇكتەلگەن مىندەتتەردى ورىنداۋ كەزىندە، ازاماتتاردىڭ قاۋىپسىزدىگىن قورعاۋ جولىندا ءبىزدىڭ اسكەريلەر قىراعىلىق تانىتىپ، شەشىمتال ەرلىكتەر كورسەتۋدە. ءبىز ماقتان تۇتاتىن ساربازدار بارشىلىق. پاندەميا جاعدايىندا ەرلىك تانىتىپ، جانكەشتىلىك كورسەتكەنى ءۇشىن 2 اسكەري قىزمەتشى كوز جۇماعاننان كەيىن مەملەكەتتىك وردەنمەن ماراپاتتالدى. 52 اسكەري «حالىق العىسى» مەدالىن الدى»، - دەيدى ۇلتتىق ۇلان وكىلى.

ساۆەردين يميروۆ تاۋەلسىزدىك جىلدارىندا ۇلتتىق ۇلاننىڭ 25 اسكەري قىزمەتشىسى قىزمەت بابىندا كوز جۇماعانىن ەسكە الدى.

«تاۋەلسىزدىك جىلدارىندا ۇلتتىق ۇلاننىڭ 214 اسكەري قىزمەتشىسى مەملەكەتتىك ناگرادامەن ماپاراتتالدى. ونىڭ ىشىندە 25 ى قىزمەت بابىندا كوز جۇمعان»»، - دەدى اسكەري كەڭەس حاتشىسى.