قازاقپارات كۇنتىزبەسى: 2- ءساۋىر
اتاۋلى كۇندەر
بۇكىل الەمدىك اۋتيزم ماسەلەسى تۋرالى اقپارات تاراتۋ كۇنى
ب ۇ ۇ باس اسسامبلەياسىنىڭ 2007-جىلعى جەلتوقساننىڭ 18 ىندەگى ارنايى قارارىمەن بەكىتىلگەن. 2008-جىلدان باستاپ جىل سايىن ءساۋىردىڭ 2 سىندە اتاپ وتىلەدى.
بۇل بۇكىل الەمدىك كۇن كاتار مەملەكەتىنىڭ ۇسىنىسى بويىنشا بەلگىلەندى، مۇنى بىرىككەن ۇلتتار ۇيىمىنىڭ باس حاتشىسى 2008-جىلعى جولداۋىندا اتاپ ءوتتى.
باس اسسامبلەيانىڭ قارارىندا، ەڭ الدىمەن، بالالاردىڭ اۋتيزم ماسەلەسىنە كوڭىل ءبولىندى، سونداي-اق دياگنوزدى نەعۇرلىم ەرتە قويۋ جانە ءتيىستى تەكسەرۋ جۇرگىزۋ اتاپ كورسەتىلگەن.
حالىقارالىق بالالارعا ارنالعان كىتاپ كۇنى
1956-جىلدان باستاپ حالىقارالىق كەڭەستىڭ شەشىمىمەن جىل سايىن دات جازۋشىسى گانس حريستيان اندەرسەننىڭ تۋعان كۇنىنە وراي اتاپ وتىلەدى. كوپتەگەن ەلدەردە بالالار مەن جاس وسپىرىمدەر كىتابى اپتالىعى اياسىندا الەمنىڭ ۇزدىك كىتاپتارىنا ارنالعان بايقاۋلار، كورمەلەر، كونفەرەنتسيالار مەن فەستيۆالدار وتكىزىلەدى.
ەستە قالار وقيعالار
1938-جىلى بالقاش كولى ماڭىنداعى كەنت بالقاش قالاسى دەپ اتالا باستادى. قالانىڭ نەگىزى 1937-جىلى، وڭىردەگى تۇڭعىش مىس قورىتۋ زاۋىتى سالىنعان كەزدە قالاندى دەپ سانالادى. بالقاش قاراعاندى وبلىسىندا، وبلىس ورتالىعى قاراعاندى قالاسىنان وڭتۇستىككە قاراي 380 ك م جەردە، بالقاش كولىنىڭ جاعاسىندا ورنالاسقان. قالا 5,9 شارشى ك م اۋداندى الىپ جاتىر.
1940 -جىلى سەمەيدە ابايدىڭ مۇراجاي-ءۇيى اشىلدى (مەملەكەتتىك تاريحي- مادەني جانە ادەبي- مەموريالدى اباي مۇراجايى). ونىڭ تۇڭعىش ديرەكتورى جاس ءارى تالانتتى ادەبيەتشى، ابايتانۋشى عالىم قايىم مۇحامەدحانوۆ بولدى.
1963 -جىلى «بايقوڭىر» عارىش ايلاعىنان «نايزاعاي» زىمىران تاسىعىشى ۇشىرىلدى. اي مەن «اي-4» عارىش كەڭىستىگىن زەرتتەۋ ءۇشىن ايعا ۇشۋدىڭ تراەكتورياسىنا شىعارىلدى.
1993 -جىلى قارۋلى كۇشتەردىڭ جەكەلەگەن ءتۇرى - اسكەري-تەڭىز كۇشتەرى قۇرىلدى. ولاردىڭ باستى مىندەتى كاسپيي تەڭىزىنىڭ قازاقستاندىق سەكتورىندا قازاقستان رەسپۋبليكاسىنىڭ مەملەكەتتىك شەكاراسىنا قول سۇعىلماۋىن، اۋماقتىق تۇتاستىعىن، ەگەمەندىگىن، ەكونوميكالىق مۇددەلەرىن قورعاۋدان تۇرادى. بۇگىنگى تاڭدا اسكەري-تەڭىز كۇشتەرى كاسپي ماڭى ەلدەرى اراسىندا كۇشتەردى ورنالاستىرۋدا لايىقتى ورىن الىپ، كاسپي وڭىرىندەگى تۇراقتىلىقتىڭ كەپىلى بولىپ وتىر دەپ سەنىممەن ايتۋعا بولادى.
1996 -جىلى قازاقستان رەسپۋبليكاسى ازاماتتارىنىڭ تەگى مەن اكەسىنىڭ اتىن قازاقشا جازۋ تاجىريبەسىن قازاق حالقىنىڭ قالىپتاسقان داستۇرلەرىنە سايكەس كەلتىرۋ جونىندەگى ەلباسى ن. ءا. نازاربايەۆتىڭ «ۇلتى قازاق ازاماتتاردىڭ تەگى مەن اكەسىنىڭ اتىن جازۋعا بايلانىستى ماسەلەلەردى شەشۋ ءتارتىبى تۋرالى» جارلىعى شىقتى.
1997-جىلى «قازترانسويل» مۇناي تاسىمالداۋ ۇلتتىق كومپانياسى» ج ا ق قۇرىلدى. وعان بارلىق ماگيسترالدى مۇناي قۇبىرلارى، سونداي-اق باتىس قازاقستاننىڭ ماگيسترالدى سۋ قۇبىرى بەرىلدى.
2008 -جىلى الماتىداعى «مەدەۋ» سپورت كەشەنىندە «بەيجىڭ-2008» وليمپيادالىق الاۋ ەستافەتاسى باستالدى. وليمپيادا ويىندارىنىڭ باستى سيمۆولىن سالتاناتتى تابىس ەتۋ ءراسىمىن ەلباسى نۇرسۇلتان نازاربايەۆ اشتى.
مەملەكەت باسشىسى مۇز ايدىنىندا ورناتىلعان تۇعىرعا فانفار اۋەنىمەن كوتەرىلدى. ەلباسىمەن بىرگە تۇعىرعا قىتايدىڭ قازاقستانداعى ەلشىسى چجان سيۋن مەن 1980-جىلعى وليمپيادادا گرەك-ريم كۇرەسىنەن چەمپيون اتانعان تۇڭعىش قازاق جاقسىلىق ۇشكەمپىروۆ كوتەرىلدى.
2008 -جىلى الماتىدا ەلىمىزدىڭ تاريحىندا العاش رەت پوشتا مۇراجايى اشىلدى، سونىمەن قاتار قالالىق پوشتا ءبولىمىنىڭ اۋلاسىندا پوشتا اللەياسى جانە زاماناۋي فيلاتەليستيكالىق سالوننىڭ تانىستىرىلىمى بولدى.
مۇراجاي ەكسپوزيتسياسىن پوشتا قىزمەتكەرلەرى جيناستىردى جانە قازاقستان رەسپۋبليكاسىنىڭ مەملەكەتتىك مۇراعاتىنىڭ قىزمەتكەرلەرى ماتەريالداردى بەردى. مۇراجايدىڭ حرونولوگيالىق شەڭبەرى تاريحي كەزەڭدەردى قامتيدى، قازاقستاندىق پوشتا قىزمەتىنىڭ قۇرىلۋى مەن دامۋ تۋرالى دەرەكتەر جيناقتالعان.
2010 -جىلى ۇلتتىق دامۋ ينستيتۋتى «Kaznex invest» ەكسپورت جانە ينۆەستيتسيالار جونىندەگى ۇلتتىق اگەنتتىگى قۇرىلدى. ول قازاقستاندىق شيكىزاتتىق ەمەس ەكسپورتتى دامىتۋ مەن ىلگەرىلەتۋ جانە ەكونوميكانىڭ باسىم سەكتورلارىنا تىكەلەي شەتەلدىك ينۆەستيتسيالاردى تارتۋ ءۇشىن نەعۇرلىم قولايلى جاعدايلار جاساۋ جولىمەن ۇلتتىق ەكونوميكانى ءارتاراپتاندىرۋ ءۇشىن ىقپال ەتۋگە باعىتتالعان.
2013 -جىلى بۇقارالىق اقپارات قۇرالدارىندا قازاقستان رەسپۋبليكاسىنىڭ قوعامدىق- ساياسي، الەۋمەتتىك-ەكونوميكالىق جانە مادەني ومىرىنەن حابار تاراتۋ ساپاسىن جاقسارتۋ جانە جۋرناليستەردىڭ كاسىبي ءوسۋىن ىنتالاندىرۋ ماقساتىندا ەلباسى نۇرسۇلتان نازاربايەۆ ق ر پرەزيدەنتىنىڭ بۇقارالىق اقپارات قۇرالدارى سالاسىندا العىس جاريالاۋ جانە سىياقىلاردى تاعايىنداۋ، گرانتتار ءبولۋ ەرەجەلەرىن بەكىتۋ تۋرالى وكىمگە قول قويدى.
2014 -جىلى «تاۋ-كەن التىن» ج ش س اففيناج زاۋىتى دايىن ءونىم، تازارتىلعان التىننىڭ العاشقى پارتياسىن ق ر ۇلتتىق بانكىنە جونەلتتى. 99,99 سىنامالى ستاندارتتى بانكتىك قۇيمالى بىرىنشى پارتيانىڭ كولەمى شامامەن 500 كەلى، جالپى قۇنى - 21 ميلليون ا ق ش دوللارى.
2014 -جىلى ك س ر و جانە قازاقستان رەسپۋبليكاسىنىڭ حالىق ءارتىسى بيبىگۇل تولەگەنوۆاعا گۋمانيتارلىق سالاداعى «دوستاستىق جۇلدىزى» سىيلىعى تابىستالدى. سالتاناتتى ماراپاتتاۋ ءراسىمى رەسەيدىڭ مەملەكەتتىك اكادەميالىق ۇلكەن تەاترىنىڭ بەتحوۆەن زالىندا ءوتتى.
2016 -جىلى ۆاشينگتونداعى يادرولىق قاۋىپسىزدىك سامميتى اياسىندا قازاقستان، ۇلى بريتانيا، ۆەنگريا، گەرمانيا، يوردانيا، يسپانيا، كانادا، قىتاي، نورۆەگيا، ب ا ءا، ا ق ش، فيليپپين، فينليانديا، فرانسيا، چەحيا، شۆەتسيا، وڭتۇستىك كورەيا جانە جاپونيا ماگاتەنىڭ قازاقستانداعى تومەن بايىتىلعان بانكى جونىندە بىرلەسكەن مالىمدەمە قابىلدادى.
