قىزىلوردادا بانك تەرمينالىن كەسكەن 2 ادام ۇستالدى
وقيعا جالاعاش كەنتىندەگى دۇكەننىڭ ىشىندە بولعان. اۋداندىق پوليتسيا بولىمىنە تۇنگى ساعات 3.30 شاماسىندا ساۋدا ورنىندا بەلگىسىز بىرەۋلەردىڭ جۇرگەندىگى تۋرالى حابارلانعان. پوليتسەيلەر وقيعا ورنىنا دەرەۋ جەتتى.
وندا بانك تەرمينالىنىڭ ءبىرىن ارنايى قۇرىلعىمەن كەسىپ جاتقان ەكى ادامدى ۇستادى.
ولاردىڭ اۋدان ورتالىعىندا تۇراتىن 34 جانە 42 جاستاعى تۇرعىندار ەكەنى انىقتالدى.
«كۇدىكتىلەر ۋاقىتشا ۇستاۋ يزولياتورىنا قامالدى. وقيعا ورنىنان زاتتاي دالەل رەتىندە قىلمىس قۇرالدارى الىندى. اتالعان دەرەك بويىنشا ق ر قىلمىستىق كودەكسىنىڭ 24-بابىنىڭ 3- بولىگى، 188-3- باپتىڭ 3- بولىگىنە سايكەس (ۇرلىققا وقتالۋ) سوتقا دەيىنگى تەرگەپ-تەكسەرۋ امالدارى جۇرگىزىلۋدە. وقيعانىڭ ءمان-جايى انىقتالۋدا»، - دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ باسپا ءسوز قىزمەتىنەن.