قازاقستاندا جىلىنا 2 مىڭنان استام كولىك ورتەنەدى - ت ج م

نۇر-سۇلتان. قازاقپارات - 2020-جىلدىڭ 12 ايىندا قازاقستاندا اۆتوكولىكتەردە 2216 ءورت بولدى، دەپ حابارلايدى قازاقپارات ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ.

اتالمىش ورتتەردەن كەلگەن شىعىن 618 ميلليون تەڭگەنى قۇرادى. 2021-جىلدىڭ قاڭتار ايىندا اۆتوموبيل كولىگىندە 210 ءورت بولدى، ونىڭ شىعىنى 88 ميلليون تەڭگەنى قۇرادى.

2020 -جىلدىڭ ۇقساس كەزەڭىندە ورتتەر سانى 2 ەسە ارتتى (2020 ج. - 110)، ماتەريالدىق زالال 5 ەسە ءوستى (2020 ج. - 15 ميلليون تەڭگە).

اۆتوكولىكتەگى ورتتەردىڭ نەگىزگى ۇلەسى جەڭىل كولىككە تيەسىلى، اتاپ ايتقاندا 187 جاعداي نەمەسە كولىكتەگى ورتتەردىڭ جالپى سانىنىڭ %89 قۇرايدى. ورتتەردىڭ جالپى سانىنىڭ %15-20 اۆتوكولىك قۇرالدارىنداعى ءورت قۇرايدى جانە سوڭعى 5 جىل ىشىندە تۇرعىن ءۇي سەكتورىنداعى ورتتەردەن كەيىن جيىلىگى بويىنشا تۇراقتى ەكىنشى ورىندى الادى.

كولىك قۇرالدارىندا ءورتتىڭ پايدا بولۋىنىڭ نەگىزگى سەبەپتەرى:

- اۆتوكولىك قۇرالىنىڭ ەلەكتر جابدىعىن ورناتۋ جانە پايدالانۋ قاعيدالارىن بۇزۋ؛

- موتور بولىكتەرىن جانعىش ماتەريالدارمەن جىلىتۋ، اتالمىش ماتەريالداردى رادياتورلار الدىنداعى كەڭىستىككە ورناتۋ؛

- قولدان جاسالعان گاز جابدىعىن ورناتۋ؛

- وت جاعۋ كەزىندەگى سالاقتىق؛

- وتىن جۇيەسىنىڭ، قوزعالتقىشتى مايلاۋ جۇيەلەرىنىڭ اقاۋى؛

- ەلەكتر جۇيەسىنىڭ اقاۋى؛

- اشىق وتتى قولدانا وتىرىپ، اۆتوموبيلدەردى جوندەۋ جۇمىستارىن جۇرگىزۋ؛

- قوزعالتقىشتاردى قاۋپسىزدىك شارالارىن قولدانباستان وتپەن جىلىتۋ؛

- قاساقانا ورتەۋ.