نازاربايەۆ ۋنيۆەرسيتەتى سياقتى ايماقتىق 2 وزىق وڭىرلىك جوعارى وقۋ ورنى قۇرىلادى
بۇل تۋرالى ماجىلىستە «Nur Otan» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋعا ارنالعان تالقىلاۋ كەزىندە پرەمەر- مينيستر اسقار مامين ءمالىم ەتتى، دەپ حابارلايدى قازاقپارات ءتىلشىسى.
«2022 -جىلى نازاربايەۆ ۋنيۆەرسيتەتىنىڭ تاجىريبەسى بويىنشا پەتروپاۆل جانە شىمكەنت قالالارىندا 2 وزىق وڭىرلىك جوعارى وقۋ ورنى قۇرىلادى»، - دەدى ا. مامين.
بۇدان بولەك ول 2025 -جىلعا قاراي كوللەدجدەر مەن ۋنيۆەرسيتەتتەردىڭ جاتاقحانالارىندا كەمىندە 50 مىڭ جاڭا ورىن پايدالانۋعا بەرىلەتىنىن اتاپ ءوتتى. سونداي-اق جىل سايىن 10 مىڭ ورىن بەرىلەتىن بولادى. بۇدان بۇرىن حابارلانعانداي، ۇكىمەت باسشىسى ستۋدەنتتەردىڭ ستيپەندياسى جىل سايىن 20 پايىزعا جوعارىلاپ 2 ەسە وسەتىنىن، ال ماگيسترانتتار مەن دوكتورانتتارعا جىل سايىن 10 پايىزعا ارتىپ، 1,5 ەسە كوبەيەتىندىگىن ايتتى.
اۆتور: رۋسلان عابباسوۆ
