ەلوردادا 2 مىڭنان استام ادام قاتىسقان ۇتىس ويىنىن ۇيىمداستىرۋشىلارعا ايىپپۇل سالىندى
بۇل تۋرالى نۇر-سۇلتان قالالىق پوليتسيا دەپارتامەنتى ءمالىم ەتتى، دەپ حابارلايدى قازاقپارات ءتىلشىسى.
«وسى جىلدىڭ 7-اقپانىندا ساعات 13:18 دە بەينەباقىلاۋ ينسپەكتورلارى «Romantik» دۇكەنىنىڭ جانىندا كولىك پەن ادامداردىڭ كوپتەپ جينالعانىن بايقادى. تەكسەرۋ بارىسىندا ج ش س قۇرىلتايشىلارى ماڭگىلىك ەل داڭعىلىندا «Romantik» گۇلدەر ورتالىعىن اشۋ ءۇشىن جۇلدەلەر، سونىڭ ىشىندە «فولكسۆاگەن پولو» ماركالى اۆتوموبيلدىڭ ۇتىس ويىنىن ۇيىمداستىرىپ، نيەت بىلدىرۋشىلەردى قاتىسۋعا شاقىرعانى انىقتالدى» دەپ اتاپ ءوتتى دەپارتامەنتتەن.
ۆەدومستۆونىڭ مالىمەتىنشە، اتالعان جەرگە كەلگەن پوليتسيا قىزمەتكەرلەرىنىڭ تالابىمەن ءىس-شارا توقتاتىلىپ، جاعداي تۇراقتاندىرىلعان. ءىس-شارانى ۇيىمداستىرعان تۇلعالار ودان ءارى تەكسەرۋ ءۇشىن ەسىل اۋدانىنىڭ پوليتسيا بولىمىنە جەتكىزىلدى.
«ءىس- شارانى ۇيىمداستىرۋشىلار ق ر ا ق ب ت ك 434-1 ب.1 ب. (جەكە تۇلعالاردىڭ سپورتتىق جانە سپورتتىق- بۇقارالىق، ويىن-ساۋىق مادەني- بۇقارالىق ءىس- شارالاردا ءجۇرىس- تۇرىس قاعيدالارىن بۇزۋى) بويىنشا 20 ا ە ك ايىپپۇل كولەمىندە اكىمشىلىك جاۋاپكەرشىلىككە، سونىمەن قاتار ج ش س ق ر ا ق ب ت ك 505-بابى 1-بولىگى (اباتتاندىرۋ ەرەجەلەرىن بۇزۋ) بويىنشا اكىمشىلىك جاۋاپكەرشىلىككە تارتىلدى. كارانتين رەجيمىن بۇزۋ بويىنشا جينالعان ماتەريال ق ر ا ق ب ت ك 425-بابى 1-بولىگىمەن جاۋاپكەرشىلىككە تارتۋ ءۇشىن سانيتاريالىق- ەپيدەميولوگيالىق باقىلاۋ باسقارماسىنا جىبەرىلدى» دەدى پوليتسيادان.
ەسكە سالا كەتەيىك، ەسىل اۋداندىق اكىمدىگى مەن پوليتسيا ماماندارىنان قۇرالعان مونيتورينگ توبى 2 مىڭنان استام ادامنىڭ قاتىسۋىمەن وتكەن ءىس- شارادا نۇر-سۇلتان قالاسىنىڭ باس سانيتار دارىگەرىنىڭ قاۋلىسىن بۇزۋ فاكتىسىن انىقتادى. دۇكەن اشىلۋ قۇرمەتىنە ۇتىس ويىنىن وتكىزگەن.
