شەتەلدەن ۇشىپ كەلگەن 2 قازاقستاندىقتان كوروناۆيرۋس انىقتالدى
نۇر- سۇلتان. قازاقپارات – 19-جەلتوقسانىندا قازاقستان اۋماعىنا گەرمانيا، شۆەيتساريا، مىسىر، تۇركيا، ب ا ءا، رەسەي، بەلارۋس، قىرعىزستان جانە وزبەكستاننان 18 حالىقارالىق اۋە رەيسى ۇشىپ كەلدى، دەپ حابارلايدى قازاقپارات.
ق ر دەنساۋلىق ساقتاۋ مينيسترلىگى سانيتاريالىق- ەپيدەميولوگيالىق باقىلاۋ كوميتەتىنىڭ اقپاراتىنا سايكەس، بارلىعى 2008 جولاۋشى ۇشىپ كەلگەن. ونىڭ ىشىندە پ ت ر- تەستىلەۋدىڭ تەرىس ناتيجەسى بار انىقتامامەن - 1771 ادام، انىقتاماسىز - 237 ادام (بارلىعى ق ر ازاماتتارى). ونىڭ ىشىندە: - الماتى قالاسىنىڭ اۋەجايىنا - بارلىعى 13 رەيس، 1331 جولاۋشى كەلدى. انىقتامامەن – 1183، انىقتاماسىز - 148؛
- نۇر- سۇلتان قالاسىنىڭ اۋەجايىنا - 4 رەيس، 499 جولاۋشى، انىقتامامەن - 438؛ انىقتاماسىز - 61؛
- قوستاناي قالاسىنىڭ اۋەجايىنا - 1 رەيس، 178 جولاۋشى، انىقتامامەن - 150؛ انىقتاماسىز - 28.
«انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19 عا پ ت ر- تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتۋدە. 18 جەلتوقساندا انىقتاماسىز كەلگەن قازاقستاننىڭ 210 ازاماتىنىڭ پ ت ر- تالداۋلارىنىڭ ناتيجەلەرى بويىنشا ىستانبۇل - نۇر- سۇلتان رەيسىمەن كەلگەن 2 جولاۋشىدان كوروناۆيرۋس ينفەكتسياسى انىقتالدى»، - دەلىنگەن كوميتەت مالىمەتىندە.
